Хаартыска: ЯСИА
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов Дьокуускайдааҕы кадетскай интэринээт-оскуолаҕа сырытта.
Кинини СӨ Бырабыыталыстыбатын Бэрэссэдээтэлин солбуйааччы Ольга Балабкина, үөрэх уонна наука миниистирэ Нюргуна Соколова, Дьокуускайдааҕы кадетскай интэринээт-оскуола дириэктэрэ Алексей Корякин арыаллаатылар.Бу туһунан sakha.gov.ru иһитиннэрэр.
“Бу кадетскай куорпус бэйэтин тутулунан, ис хоһоонунан уонна суолтатынан даҕаны ураты. Үгүс уолаттар үрдүкү байыаннай үөрэх кыһаларыгар киирэр баҕалаахтарын иһиттим. Кинилэр үчүгэйдик үөрэнэллэрин, сайдалларын туһугар бэртээхэй усулуобуйа тэриллибит. Маннык үчүгэй материальнай-тэхиньиичэскэй баазалаах буоланнар инникитин ситиһиилээх буолуохтара”, — диэтэ Артур Орлов.
Санаттахха, 2024 сылга бу интэринээт-оскуола 200 миэстэлээх үөрэтэр-лабораторнай куорпуһа үлэҕэ кирбитэ. Ити сылга Саха сирин Ил Дарханын Айсен Николаев сорудаҕынан үөрэх кыһатын кэккэ эбийиэктэрин тутуу түргэтээбитэ, ол түмүгэр оскуола икки саҥа куорпустаммыта: лабораторнай куорпус уонна 125 миэстэлээх интэринээт.
Тиэргэнигэр байыаннай сулууспаҕа бэлэмнииргэ балаһа, плац, төгүрүччү сүүрэр суол, футбол хонуута, баскетбол былаһаакката, “Авангард” киинин тэрээһиннээрин ыытар бары инфраструктура бааллар. Бу эбийиэк Арассыыйа Бэрэсидьиэнэ Владимир Путин көҕүлээбит “(Үөрэхтээһин” (билигин “Ыччат уонна оҕолор” нацбырайыак) национальнай бырайыак чэрчитинэн тутуллубута. Сиһилии: https://www.sakha.gov.ru/news/18868
Былырыын дойду хас да эрэгийиэнигэр педагогтар хамнастарын төлүүр саҥа тиһиги (НСОТ) киллэриигэ тургутар бырайыак үлэтин…
Үлэһиттэр үлэ күнүн олохтоммут эрэсиимин кэһэр буоллахтарына, чаастатык табахтыы тахсалларын иһин дисциплинарнай эппиэккэ тардыллыахтарын сөп…
Тохсунньу 21 күнүгэр сарсыарда 10 чаас 25 мүнүүтэҕэ Дьокуускай куорат баһаарынай-быыһыыр сулууспатыгар Марха түөлбэҕэ Советскай…
Амма улууһун Амма сэлиэнньэтигэр аныгы поликлиника аһылынна. Саҥа мэдиссиинэ киинэ биир симиэнэҕэ 200 сырыыны көрөргө…
Байыаннай дьайыыга барбыт инструктордар бөлөхтөрүгэр Саха сириттэн, Камчатка кыраайыттан, Волгоград, Мурманскай уонна Сахалин уобаластарыттан 25…
ИДьМ улууспатын Үөһээ Бүлүү оройуонун отделын дьуһуурунай чааһыгар кыбартыыраттан тэлэбиисэрин уорбуттарын туһунан олохтоох киһиттэн үҥсүү…