Ульяна Захарова хаартыскаҕа түһэрииитэ
Бүгүн, ыам ыйын 14 күнүгэр, Арассыыйа Дьоруойа Дмитрий Куценко «Боотур» этэрээт байыастарын кытта көрүстэ.
Кини Өлүөхүмэ оройуонуттан төрүттээх. Бүгүн чиэстээһиҥҥэ Өлүөхүмэттэн улуус баһылыгын солбуйааччы Оксана Саввинова кыттыыны ылла.
«Боотур » этэрээтигэр бэлэмнэниини ааһан байыаннай дьайыыга баҕа өттүнэн бараары мустубут уолаттары көрсө, кэс тылын этэ Арассыыйа Дьоруойа Дмитрий Куценко, байыастар ийэлэрэ кэллилэр. Ол курдук, Дмитрий Куценко уолаттарга сулууспалыы барбытыттан саҕалаан, доҕордоһуу, өйөһүү, уустук балаһыанньаҕа түмсүүлээх буолуу туһунан санаатын үллэһиннэ. Байыастар хорсуннарын, ханнык да уустук балаһыанньаҕа толкуйдаахтарын бэлиэтээтэ. «Манна эһигини уопуттаах инструктордар үөрэттилэр, бойобуой дьайыыга саамай сүрүнэ куттаныыны кыайыахха наада», — диэтэ кини.
«Боотур» этэрээт инструктора, «Эр санаа» уордьан кавалера Михаил Копырин бэлиэтээбитинэн, байыастарга Дьоруойу кытта сирэй көрсөн кэпсэтэр улахан суолталаах.
«Боотур» этэрээт байыастарын кытта Дьоруой ийэтэ Татьяна Куценко кэпсэттэ. Кини хас биирдии ийэҕэ оҕото дьоруой буоларын эттэ: «Мин уолум байыаннай дьайыыга барбытыгар санаарҕаабытым. Оҕом СМС ыытта да санаам көтөҕүллэр этэ. Быыс буллугут да ийэлэргитигэр, чугас дьоҥҥутугар биллэрэ сылдьыҥ. Ийэҕэ ол олус наада. Кыайыы көтөллөөх этэҥҥэ эргиллэҥ кэлиҥ!», — диэтэ кини.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ уоту кытта бохсооччуларын түмтэ.…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…