Хаартыска: СИА
Арассыыйа Дьоруойа, «Алеша» таанка экипаһын чилиэнэ Филипп Евсеев Хотугулуу-Илиҥҥи федеральнай университекка (СВФУ) үөрэххэ киирэргэ сайабылыанньа туттарда диэн ХИФУ пресс сулууспата иһитиннэрдэ.
«Арассыыйа Дьоруойа Филипп Евсеев ХИФУ физическэй култуураҕа уонна успуорка институтугар үөрэххэ туттарсарга сайабылыанньа биэрдэ», — диэн үрдүк үөрэх кыһатыгар иһитиннэрдилэр.
ХИФУ 2024-2025 сс. үөрэх дьылын хампаанньатыгар докумуоннары хомуйуу бу сыл бэс ыйын 20 күнүттэн саҕаламмыта, оттон магистратураҕа уонна ординатураҕа киирэргэ докумуоннары ылыы от ыйын 1 күнүттэн ыытыллар.
Арассыыйа дьоруойдара — комбат Александр Колесов, «Алеша» таанка экипаһын чилиэннэрэ Филипп Евсеев, Алексей Неустроев, хорсун муора пехотинеһа Дмитрий Егоров, офицердар Игорь Юргин, Николай Соболев, ону тэҥэ «Восток» бөлөх байыаһа Родим Максимов – Саха сирин чулуу уолаттара.
Санаттахха, куйаар ситимигэр “Алеша” тааҥка соҕотоҕун икки тааҥканы, алта бронемассыынаны утары ытыалаһар видеота икки ый буолан баран, Арассыыйаҕа эрэ буолбакка, аан дойдуга киэҥник тарҕаммыта. Арассыыйа танкистарын хорсун быһыылара үгүстэри сөхтөрбүтэ. Онтон “Бастакы” ханаал суруналыыстара баран сюжет устубуттара.
Эһиги саахардаах диабеттаах буоллаххытына, глюкометры уонна тест-полоскалары ОМС полиһынан босхо ылыаххытын сөп. Ол туһугар бэйэҕит…
А.Е.Турнин аатынан күрэс уораҕайыгар наартаны үрдүнэн ойууга уолаттар, эр дьон, бэтэрээн эр дьоннор, кыргыттар, дьахталлар…
Сайын ортото – оҕуруот аһа ситэр-хотор кэмэ. Бу кэмҥэ үүнээйини араас үөн-көйүүр буорту гынара оҕуруотчуттар…
Ытык-мааны Таатта сиригэр-уотугар "Манчаары" оонньуулара ыытыллыбыта нэдиэлэ буолла. Бүгүн быһаарыылаах түмүк күн. Хас күн ахсын…
«Мэйии. Үгэс. Ыра санаа» документальнай киинэ сүрэхтэниитэ 2025 сыл балаҕан ыйыгар Дьокуускайга, Санкт-Петербурга уонна Москваҕа…
Бүгүн үс күннээх V өрөспүүбүлүкэтээҕи «Yлэ, иис күрэҕэ» иистэнньэҥ ийэлэр уонна волонтердар күрэстэрэ, «Кыайыы 50…