Арассыыйа Дьоруойа Григорьев туһунан киинэни 2026 сылга саҕалыыр былааннаахтар

Байыаннай дьайыы кыттыылааҕа, Арассыыйа Дьоруойа, Саха сирин олохтооҕо Андрей Григорьев прототибынан буолуохтаах киинэни 2026 сылтан саҕалыыр санаалаахтар. Билигин киинэ сценарийын бэлэмнээһин барар диэн “Тырааныспар нэдиэлэтэ-2025” тэрээһин иитинэн Ил Дархан Айсен Николаев ТАССка иһитиннэрбит.  

“Киинэни устуохтаах бөлөҕү быһаардыбыт, билигин сценарийын блэмнээһин барар. Үбүлээһин боппуруоһун эмиэ билигин быһаарыахпыт. Арассыыйатааҕы киинэ пуондата өйүүрүгэр улахан эрэллээхпит. Киинэни устууну номнуо 2026 сылтан саҕалыыр ирдэнэр дии саныыбыт” – диэн Николаев эттэ.

Николаев бэлиэтээбитинэн, киинэни Донецкай Норуодунай Өрөспүүбүлүкэни кытта кыттыһан устар былааннаахтар. “Төрүөтүнэн – быһахтаах киирсиигэ утарылаһааччытын кыайбыт уонна бэйэтин дьонугар тахсарыгар хас даҕаны киирсиини ааспыт Андрей Григорьев-Тута. Бу ураты хорсун быһыы” – диэн эрэгийэн баһылыга эбэн эппит.

Бу туһунан ТАСС суруйар. Сиһилии манна ааҕыҥ.