Арассыыйа Дьоруойа Николай Евдокимов «Сокол» квадроцикллар инники кирбиигэ улахан туһалаахтарын этэр

Арассыыйа Дьоруойа  Николай Евдокимов Саха сиригэр оҥоһуллубут «Сокол» квадроциклы үрдүктүк сыаналаата. Кини этэринэн, инники кирбиигэ туһааннаах тиэхиньикэ олус наадалаах.

Былырыын байыаннай дьайыы буола турар  сиригэр Саха сиригэр оҥоһуллубут 133 квадроциклы илдьибиттэрэ.  Николай Евдокимов: «Маннык тиэхиньикэ куһаҕан суоллаах-иистээх сиргэ үчүгэйдик сылдьар. Инники кирбиигэ саамай наадалаах, улахан туһалаах тиэхиньикэ. «Сокол» квадроцикллар элбэх киһи олоҕун өрүһүйбүттэрэ», — диэн кэпсээтэ.

Быйыл Ил Дархан Айсен  Николаев дьаһалынан  100-кэ «Сокол»  вездеходу илдьиэхтээхтэр. Биир массыынаны ортотунан  балтараа нэдиэлэ оҥороллор.

«Якт-Сокол» тэрилтэ генеральнай дириэктэрэ  Станислав Соколов тиэхиньикэ хаачыстыбатын өссө тупсарыыга үлэлэһэллэрин СИА-ҕа иһитиннэрдэ. Саппаас чаастарын  Новосибирскайтан, Ульяновскайтан, Приморскай кыраайтан ылаллар эбит.