Арассыыйа Федерациятын Дьоруойа Родимир Максимов Луганскай Норуодунай Өрөспүүбүлүкэҕэ Саха сирин тирэх пуунун үлэһиттэрин кытта көрүстэ.
Родимир Максимов Саха сирин бары олохтоохторугар, өрөспүүбүлүкэ салалтатыгар РФ Сэбилэниилээх Күүстэрин өйүүллэрин иһин махтанна.
“Бу күннэргэ Саха сириттэн аҕыйаҕа суох киһи сулууспалыыр биригээдэбит өстөөҕү бэйэтин хайысхатынан ыгар. Кыайыы чугаһаата дии саныыбыт уонна ону түргэнник ситиһэр туһугар туох кыаллары оҥоробут”, — диэн фроҥҥа балаһыанньа хайдаҕын туһунан кэпсииригэр санаатын үллэһиннэ байыас.
ЛНР-га өрөспүүбүлүкэ тирэх пуунун үлэһиттэрэ Родимир Максимовка хорсун быһыыны көрдөрбүтүн иһин махтаннылар.
“Биһиги уонна Саха сирэ барыта Эйигинэн киэн туттабыт! Эн хорсун быһыыҥ өрөспүүбүлүкэбит устуоруйатыгар кыһыл көмүс буукубаларынан сурулунна. Эн холобуруҥ барыбытын өрө күүрдэр, Эн хорсуҥ быһыыгыттан сөҕөбүт”, — диэтэ тирэх пуун үлэһитэ Евгений Павлов.
Санаттахха, Таатта оройуонуттан Бурхат диэн позывнойдаах байыаннай сулууспалаах Родимир Максимов Арассыыйа Дьоруойа буолбута, кини өстөөх түөрт атаакатын тоҕо анньан, штурмовой бөлөххө биэс саха буойуна буолан, 30 боевигы суох оҥорбуттара.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…