Арассыыйа Дьоруойа сэриилэспит сэбин Саха сиригэр аҕалыахтара

Саха сиригэр Арассыыйа Дьоруойа Дмитрий Егоров бронежилетын уонна шлемун аҕалыахтара. Бу туһунан «Сахамедиа» байыаннай кэрэспэдьиэнэ Владимир Укоев иһитиннэрэр.

Тирэх пууннар бэрэстэбиитэллэрэ дьоруойдуу тыына быстыбыт Дмитрий Егоров кэтэ сылдьыбыт «Сунтаар» диэн суруктаах шлемун уонна бронежилетын СӨ координационнай киинин салайааччыта Андрей Федотов сорудаҕынан көрдөөбүттэрэ.

Кинилэр иллэрээ күн бу маллары булбуттарын иһитиннэрбиттэр. Онон бу күннэргэ Дьоруой байыас малын Сахатын сиригэр тиксэриэхтэрэ.