Арассыыйа Дьоруойа ыччат миниистирин эбээһинэһин толорооччунан ананна

СӨ ыччат дьыалаларыгар уонна  социальнай коммуникацияларга миниистирэ Петр Виталиевич Шамаев   төрөөбүт дойдутун көмүскүүр сыаллаах  байыаннай сулууспаҕа хантараак  баттаста.  Бу дьиҥнээх патриотизм уонна гражданскай эппиэтинэс холобура диэн Ил Дархан Айсен Николаев телеграмҥа ханаалыгар суруйда.

«Бүгүҥҥүттэн туһааннаах министиэристибэ миниистирин эбээһинэһин толорооччунан Арассыыйа Дьоруойа  Игорь Васильевич Юргин  ананна», — диэн  Ил Дархан теөлеграмыгар суруйда.

Санатан эттэххэ, бу сыл олунньу 15 күнүгэр дойду Бэрэсидьиэнин Ыйааҕынан Игорь Юргиҥҥа «Кыһыл көмүс сулус» мэтээл туттарыллан Российскай Федерация Дьоруойа үрдүк аат иҥэриллибитэ.

Игорь Юргин Арассыыйа Бэрэсидьиэнэ көҕүлээбит «Дьоруойдар кэмнэрэ» бырагыраама кыттыылааҕа. Дьоруой Саха сирин бырабыыталыстыбатыгар стажировка барар, кини настаабынньыга Ил Дархан Айсен Николаев буолар.