Арассыыйа Дьоруойдара Илиҥҥи экэнэмиичэскэй пуорумҥа кытыннылар

Арассыыйа Дьоруойдара Николай Соболев уонна Дмитрий Куценко «Дьоруойдар кэмнэрэ» каадыр бырагырааматын чэрчитинэн Илиҥҥи экэнэмиичэскэй пуорумҥа кытыннылар.

Дмитрий Куценко пуорумҥа кыттыы киниэхэ улахан наадалаах үөрүйэҕи биэрбитин этэр.

— Пуорумҥа аан бастаан кытынным, сүрүннээн билиһиннэрэр бырагыраама. Олус интэриэһинэй, киһи билэрэ-көрөрө элбэх. Биһиэхэ, байыаннай сулууспалаахтарга, гражданскай сулууспаҕа сыыйа көһөр кыаҕы биэрэр. Салгыы патриотическай иитиинэн, демобилизацияламмыт уолаттарга уонна кинилэр дьиэ кэргэттэригэр көрүллэр социальнай өйөбүл боппуруостарынан дьарыктанар былааннаахпын, — диэн этэр Арассыыйа Дьоруойа.

Николай Соболев ВЭФ-2025 иитинэн тыл этиилэри уонна дьүүллэһиилэри бэлиэтээтэ.

—Сергей Цивилев энэргиэтикэни сайыннарыы туһунан этиитин сэҥээрэн иһиттим, былаан 2042 сылга диэри суоттаммыт. Бу эмиэ да толкуйдатар, эмиэ да мөккүөрү үөскэтэр. Хомойуох иһин, пуорум бары интэриэһинэй тэрээһиннэрин хабан сылдьар кыах суох. Бырагыраама иитинэн биһиги судаарыстыбаннай структура төрүттэригэр үөрэннибит, онтон билигин мин Ил Дархан Айсен Николаевка стажировкаланабын. Хайысхабын быһаарбытым, ол гынан баран барытын сиһилии аспаппын, — диир Арассыыйа Дьоруойа.

Сиһилии: https://www.sakha.gov.ru/news/11330

СӨ Ил Дарханын уонна Бырабыыталыстыбатын пресс-сулууспата