Арассыыйа Дьоруойдарын уонна бойобуой дьайыылар бэтэрээннэрин туһунан — алта подкаст

Оскуола үөрэнээччилэрэ интервьюлары устубуттар. Онон Арассыыйа Дьоруойдарын уонна бойобуой дьайыылар бэтэрээннэрин туһунан 6 подкаст уһуллубут, «В объективе – Герой!» хомуурунньукка киллэриллибиттэр.

Бэйэлэрин сценарист, режиссер, оператор оруолугар холонон көрбүт үөрэнээччилэр, хорсун буолуу, ытык иэс туһунан байыастар кэпсииллэрин устубуттар диэн «Аҕа дойдуну көмүскээччилэр» пуонда Саха фиринээҕи филиалыттан иһитиннэрэллэр.

Бырайыак «Навигаторы детства» эрэгийиэннээҕи ресурснай киин уонна «Будущее Якутии» АНО көҕүлээһиннэрин иитинэн олоххо киллэриллибит. Бырайыак партнера «Аҕа дойдуну көмүскээччилэр» пуонда Саха сиринээҕи филиала.

Бырайыак иитинэн алта подкаст тахсыбыт. Дьоруойдарынан Арассыыйа Дьоруойдара Игорь Юргин, Николай Евдокимов, Филипп Евсеев, Николай Егоров, Арассыыйа уонна ДНӨ Дьоруойа Дмитрий Егоров «Сунтаар» аҕата, бойобуой дьайыылар бэтэрээннэрэ Вадим Шарипов, бойобуой дьайыылар бэтэрээннэрэ Александр Соров буоллулар.

Тэрийээччилэр бэлиэтииллэринэн, хомуллубут матырыйааллар патриотическай иитиигэ сыаналаах методическай ресурсанан буолуохтара уонна Саха сирин оскуолаларыгар, кэллиэстэригэр ыытыллыахтара.

Сиһилии: https://www.sakha.gov.ru/news/16273

СӨ Ил Дарханын уонна Бырабыыталыстыбатын пресс-сулууспата

Хаартыскалар: https://web.telegram.org/k/#@gosfondyakutia