Александр Афанасьевич ыччаты иитиигэ 40-ча сылы быһа айымньылаахтык үлэлии сылдьар. Кини олоҕун оҥкулун билсиһиннэрдэххэ,тыһыынча киһиттэн уратылааҕын бэлиэтээтим.
Ол курдук кини элбэх оҕолоох дьиэ кэргэҥҥэ төрөөбүтэ. Бииргэ төрөөбүттэр 15-тэр. Маннык элбэх оҕолоох дьиэ кэргэн Саха сиригэр аҕыйах буолуо. Кини Сунтаар улууһугар Кутана нэһилиэгэр Гурьевтар иллээх дьиэ кэргэнигэр төрөөбүтэ. Аҕата Афанасий Федорович нэһилиэгэр биллэр мас ууһа этэ. Түннүк арааматын, аан холуодатын киниттэн ураты сатыыр болуотунньук суоҕун кэриэтэ этэ.
Уолаттарын булка, техникаҕа сыһыартаабыта. Ол иһин Александр Иркутскайга үрдүк үөрэҕи бүтэрэн, инженер-механик идэтин баһылаабыта. Устудьуоннуу сылдьан, олоҕун аналын Марияны көрсөн ыал буолан, хайыы үйэ 44 сылларын бииргэ дьоллоохтук олороллор. Биэс оҕолоохтор, бары үөрэхтээх үлэһиттэр, ыаллар. Үөрэҕин бүтэрээт, 23 нүөмэрдээх Сунтаардааҕы профтехучилищеҕэ преподавателинэн, инженеринэн 35 сыл тохтоло суох үлэлээн баран, бочуоттаах сынньалаҥҥа тахсан, куоракка көһөн кэлбиттэрэ. Александр Афанасьевич куоракка кэлэн баран, бэйэтин идэтинэн тыа хаһаайыстыбатын техникумугар үлэлии сылдьар.
Александр Афанасьевич тыһыынча дьонтон иккис уратытынан, кини Сунтаарга училищеҕа үөрэппит түөрт устудьуона, байыаннай дьайыыга хорсун быһыыларын көрдөрбүт Филипп Евсеев, Дмитрий Егоров, Иван Иванов, Николай Николаев, кини үөрэппит оҕолоро буолаллар.
Александр Афанасьевич доҕотторо эппиттэринэн, дьэ бу кырдьык, тыһыынча киһиттэн уратыта буолар. Маны тэҥэ үлэһит төрөппүттэрин утумнаан үтүө, сэмэй майгылаах, техникаҕа олус сыстаҕас инженер педагог буолар. Табаарыстара Александр Афанасьевич үөрэммит идэтинэн билигин да үлэлии сылдьарынан киэн тутталлар.
Марта Николаева
Өлөчөй анал интэринээт-оскуолатыгар олорор инбэлиит оҕолор бырааптара кэһиллэрин туһунан иһитиннэрии тарҕаммытынан, Өрөспүүбүлүкэ борокуратуурата сорудахтаан, Мэҥэ…
Дьокуускайга “Голос” устуудьуйа оҕону кэрэ эйгэтигэр угуйар. Устуудьуйаны Татьяна, Христофор Саввиновтар салайаллар. Устуудьуйа тэриллибитэ аҕыс…
Алтынньы 18 күнүгэр Н.Е Мординов-Амма Аччыгыйын аатынан Харбалаахтааҕы үөрэхтээһин холбоһугар идэҕэ туһаайар үлэ хайысхатынан "Аһаҕас…
Алтынньы 17-31 күннэригэр Дьокуускайга "Чайковский-фест. Якутск" опера-балет бэстибээлэ буола турар. Бу Арассыыйатааҕы бэстибээл улуу композитор…
РФ Ис дьыалаҕа миниистирэ Владимир Колокольцев ИДьМ Дьокуускайдааҕы салаатын полиция 2-с нүөмэрдээх отделын ыстаарсай иниспиэктэрэ,…
Кирилл Бычков, СӨ бырабыыталыстыбатын бэрэссэдээтэлэ: Ил Түмэн 14-с уочараттаах пленарнай мунньаҕа түмүктэннэ. Биир сүрүн көрүллүбүт…