Арассыыйа Дьоруойун кытта биир күн

Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна ырыаны көрүү күрэҕэ буолла. Быйылгы күрэх Аҕа дойдуну көмүскээччилэр, анал байыаннай дьайыыга Ийэ дойдуларын туһугар туруулаһа сылдьар  хорсун байыастарбытыгар анаан ыытылынна.

 

Үөрүүлээх тэрээһиҥҥэ  Арассыыйа Дьоруойа Николай Владимирович Евдокимов кыттан, күрэх таһымын үрдэттэ.

Дьүүллүүр сүбэҕэ Арассыыйа Дьоруойа  Николай Викторович Евдокимов, анал байыаннай дьайыы кыттыылааҕа Александр Михайлович Соров, «Айсберг» ВПК иитиллээччилэрэ, куорат күрэхтэрин кыайыылаахтара, бастыҥ хамандыырдара, выпускниктарбыт  Айтал Яковлев,  Прокопий Степанов, Артур Федоров, Дабаан Татаринов үлэлээтилэр.

Сэлэлээн хаамыыны РФ сэбилэниилээх күүстэрин подполковнига, ыччаты гражданскай-патриотическай тыыҥҥа иитэр   Жерготов Егор Егорович салайан ыытта.

Күрэх үөрүүлээх аһыллыытыгар оскуола дириэктэрэ Валентина Васильевна  Софронеева, бочуоттаах ыалдьыттар эҕэрдэ тыллары эттилэр, күрэххэ ситиһиини баҕардылар.

Бу тэрээһиҥҥэ гимназия Аҕатын сүбэтэ биэс квадрокоптеры уонна анал бириистэри үөрүүлээх быһыыга-майгыга  туттаран, өссө ордук киэргэттэ. Оҕолор күүскэ  дьарыктанан, күрэххэ толору бэлэмнээх, Ийэ дойдуларыгар бэриниилээх дьон буола улааталларыгар баҕа санааларын тиэртилэр.

Күн устата ыытыллыбыт дьаныардаах күрэхтэһии түмүгэр «Бастыҥ хамандыыр» уонна «Патриотическай иитиигэ бастыҥ кылаас салайааччыта» диэн анал ааттар кыайыылаахтара билиннилэр.

Ити курдук, «Кэккэнэн хаамыыны уонна ырыаны көрүү» күрэҕэ  маннык түмүктээх буолла:

3-5 кылаастарга:

1 миэстэ — 4в кылаас (кыл. сал. Хомподоева И.В.);

2 миэстэ — 5а кылаас (кыл. сал. Федорова М.И.);

3 миэстэ — 3б кылаас (кыл. сал. Дедюкина Л.Г.).

«Бастыҥ хамандыыр» — ЯКОВЛЕВ АЙСЕН 4в кылаас.

«Патриотическай иитиигэ бастыҥ кылаас салайааччыта» аат — Хомподоева И.В.

«Кэккэнэн хаамыыга бэлэмнээһиҥҥэ бастыҥ инструктор» — Лебедева М.Р.

«Бастыҥ ырыаны толорооччу» — 5б кылаас.

 

6-7 кылаастарга:

1 миэстэ — 7а кылаас (кыл. сал. Дьяконова Е.А.);

2 миэстэ — 6б кылаас (кыл. сал. Потапова А.Е.);

3 миэстэ — 6а кылаас (кыл. сал. Васильева Н.П.);

«Бастыҥ хамандыыр» —  КОРНИЛОВ АРЫЛХАН 7а кылаас.

«Патриотическай иитиигэ бастыҥ кылаас салайааччыта» аат — Дьяконова Е.А.

«Кэккэнэн хаамыыга бэлэмнээһиҥҥэ бастыҥ инструктор» —  Лебедева М.Р.

«Бастыҥ ырыаны толорооччу» — 7б кылаас.

 

8-9 кылаастарга:

1 миэстэ — 9а кылаас (кыл. сал. Шеломова Н.Ф.);

2 миэстэ — 9б кылаас (кыл. сал. Кириллина И.В.);

3 миэстэ — 8б кылаас (кыл. сал. Аммосова И.С.);

«Бастыҥ хамандыыр» — ЗАХАРОВ ВЛАД 9б кылаас.

«Патриотическай иитиигэ бастыҥ кылаас салайааччыта» аат — Шеломова Н.Ф.

«Кэккэнэн хаамыыга бэлэмнээһиҥҥэ бастыҥ инструктор» —  Андреев И.К.

«Бастыҥ ырыаны толорооччу» — 8а кылаас

 

10 кылаастарга:

1 миэстэ — 10б кылаас (кыл. сал. Кондакова Е.Н.);

2 миэстэ — 10а кылаас (кыл. сал. Антонова А.А.);

3 миэстэ — 10в кылаас (кыл. сал. Лебедева М.Р.);

«Бастыҥ хамандыыр» — АНТОНОВ АЙСЕН 10а кылаас (салайааччы Антонова А.А.);

«Бастыҥ хамандыыр» — БАИШЕВ-ТАРАСОВ КОНОН 10б кылаас;

«Патриотическай иитиигэ бастыҥ кылаас салайааччыта» аат — Кондакова Е.Н;

«Кэккэнэн хаамыыга бэлэмнээһиҥҥэ бастыҥ инструктор» —  Андреев И.К;

«Бастыҥ ырыаны толорооччу» — 10б кылаас тигистэ.

Судьуйалаабыт бочуоттаах ыалдьыппыт  Арассыыйа Дьоруойа  Николай  Евдокимов санаатын үллэһиннэ: «Спасибо за приглашение, я приятно удивлен. Дети выступили очень достойно, показали дисциплину и сплочённость. Несмотря на возраст, видно, что ребята серьёзно относятся к подготовке. Такие мероприятия формируют командный дух и патриотическое сознание. Заметно, что в гимназии военно-патриотическое воспитание проводится на высоком уровне, что и должно происходить в наше время».

Сыл аайы  маннык күрэххэ оскуола выпускниктара,  ВПК «Айсберг» иитиллээччилэрэ кэлэн дьүүллүүр сүбэҕэ үлэлииллэрэ, кытталлара  үтүө үгэскэ кубулуйбута  кэрэхсэбиллээх. «Бүгүҥҥү күрэххэ дьиҥнээх биир санааланыы, хамаанда тыына көстөр. Үөрэнээччилэр бэйэ-бэйэлэрин өйдүүллэрэ, өйүүллэрэ, көмөлөсүһэллэрэ харахха быраҕыллар. Ити барыта оскуолаҕа байыаннай-патриотическай иитии үрдүк таһымнааҕын көрдөрөр», -диэн күрэҕи сыаналаата, оскуола выпускнига Айтал Яковлев.

Салгыы Прокопий Степанов санаатын үллэһиннэ: «Мин ВПК «Айсберг» дьарыктаммыт кэммэр элбэх күрэхтэргэ кыттыбыппыт, бастаабыппыт.Бу оскуолаҕа үэрэммит сылларбар патриотическай тыыҥҥа, Ийэ дойдуга бэриниилээх буоларга үэрэнэн-иитиллэн тахсыбытым.Ол иһин үэрэппит учууталларбар, оскуола салалтатыгар махтанабын».

«Бастыҥ хамандыыр» аатын ылбыт 7А кылаас үөрэнээччитэ Арылхан Корнилов үөрүүтүн үллэһиннэ: «Биһиги 7А кылаастар бэйэбит бөлөхпүтүгэр 1 миэстэни ыллыбыт. Параллельнай кылаастар бары  үчүгэйдик кытыннылар, ол эрээри биһиги кылаас уһуннук, кичэйэн бэлэмнэммиппит. Ол түмүгэр, бары тэҥҥэ хааман, сорудахтары чуолкайдык толорон, кыайыылааҕынан таҕыстыбыт. Онтон бары наһаа астынныбыт».

«Кэккэнэн хаамыы уонна ырыаны көрүү» күрэх үрдүк таһымҥа ыытылынна. Бу тэрээһиҥҥэ ыалдьыппыт  Николай Владимирович Евдокимов  кыттыбыта күрэх таһымын, оҕолор эппиэтинэстэрин үрдэттэ. Үэрэнээччилэр Арассыыйа Дьоруойун  илэ харахтарынан көрөн, тылын-өһүн истэн,  бииргэ хаартыскаҕа түһэн, астынан, олохторугар биир умнуллубат, бэлиэ күн буолла.

 

Сардаана Данилова, 11 кылаас үөрэнээччитэ, «Үктэл» пост, Саха гимназията, Дьокуускай