Россконгресс сайтыттан
Сочига “Сириус” базатыгар сэтинньи 27—29 күннэригэр эдэр учуонайдар мунньахтара буолан ааста. Бу тэрээһин 2022 сылтан Арассыыйа бэрэсидьиэнэ Владимир Путин этиитинэн ыытыллар.
Тэрээһиҥҥэ Арассыыйа эрэгийиэннэриттэн, тас дойдулартан барыта сэттэ тыһыынчаттан тахса учуонай кытынна. Ол иһигэр Арассыыйа саҥа эрэгийиэннэриттэн уонна 63 тас дойдуттан. Кыттааччылар гуманитарнай наукалартан саҕалаан космоска, квантовай технологияҕа, биомедицинаҕа тиийэ үгүс бырайыагы көмүскээтилэр.
Санатан эттэххэ, Владимир Путин Арассыыйаҕа 2031 сылга диэри Наука уонна технология сылларынан биллэрэн турар. Онон сибээстээн эдэр учуонайдар 2036 сылга диэри наука хайа диэки сайдыаҕын барыллаан көрдүлэр. Кэнгириэс дьыалабыай бырагырааматын чэрчитинэн икки сүүсчэкэ курдук тэрээһин ыытылынна. Ол иһигэр “төгүрүк остуоллар”, наукаҕа тирээн турар боппуруостарга аһаҕас кэпсэтиилэр, научнай-практическай кэмпириэнсийэлэр, лиэксийэлэр буолан аастылар. Манна искусственнай интеллегы экэниэмикэ бары эйгэтигэр киллэрии туһунан кэпсэтии болҕомто киинигэр турда.
Ону сэргэ кэнгириэс иһинэн БРИКС түмсүү эдэр учуонайдарын пуорума буолан ааста. Манна 180 дэлэгээт кытынна. Санатан эттэххэ, былырыын бу түмсүүгэ Египет, Эфиопия, Иран, Холбоһуктаах Арааб Эмираттара, Саудовскай Аравия киирбиттэрэ. Татарстаҥҥа быйыл буолан ааспыт БРИКС түмсүүтүн саммитын кыттыылаахтара бу тэрээһини болҕомто киинигэр ылан тураллар.
Кэнгириэс биир сүрүн тэрээһининэн, үгэс курдук, Арассыыйа технологияҕа сайдыытын быыстапката буолла. Быыстапкаҕа барыта биэс уонтан тахса хампаанньа кытынна. Ол иһигэр “Росатом”, “Сибур”, “Икс Холдинг”, “Ростех”, “Сбер”, “Яндекс” курдук улахан судаарыстыбаннай корпорациялар. Кэнгириэс успуорка, култуураҕа эмиэ араас тэрээһини ыытта. Ол курдук, дуобакка, саахымакка, хоккейга маастар кылаастар ыытылыннылар, тэрээһин кыттааччылара футболга күрэхтэстилэр.
Бүгүн Арассыыйа бэрэсидьиэнэ Владимир Путин Москваҕа кэнгириэс кыттыылаахтарын кытары көрсүөҕэ.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…