Арассыыйа эрэгийиэннэригэр кырыктаах бэйдиэ ыттары «утутарга» көҥүл биэриэхтэрин сөп

Ыам ыйын 16 күнүгэр РФ Судаарыстыбаннай Дууматыгар дойду эрэгийиэннэригэр бэйдиэ сылдьар кырыктаах ыттары «утутарга» быраабы биэрэр сокуон бырайыагын көрүөхтэрэ диэн «Известия» суруйар.

Бу Арассыыйа эрэгийиэннэригэр бэйдиэ сылдьар ыттар дьоҥҥо түһэр түгэннэрин суох оҥорорго ананар. «Известияҕа» иһитиннэрбиттэринэн, бырайыагы дойду бырабыыталыстыбата сэргээбит.

Маныаха, эрэгийиэннэр баһылыктара уонна парламеннара көрүүтэ-истиитэ суох сылдьар кыылы-сүөлү эппиэтинэстэригэр ылыахтарын сөп, ол иһигэр ыты «утутуу» эмиэ киирсэр.