Арассыыйа ИТ-хампаанньалара бородууксуйаларын көрдөрдүлэр

Арассыыйа ИТ-хампаанньалара бородууксуйаларын көрдөрдүлэр

25.11.2022, 21:36
Бөлөххө киир:

«Цифровой алмаз» пуорум чэрчитинэн, Дьокуускай куоракка Ю.А. Гагарин аатынан аныгы култуура киинигэр ИТ-хампаанньалар бородууксуйаларын быыстапката үлэлээтэ.

Онно ИТ эйгэтигэр бырайыактар, бырагыраамалар, дойду оҥорон таһаарар оборудованиелара, технологическай оҥоһуктар көрдөрүллүбүттэр. РФ Цифровой уонна маассабай коммуникация сайдыытын миниистирэ Максут Шадаев быыстапканы олус сэргээтэ.


Быыстапкаҕа Арассыыйа инники күөҥҥэ сылдьар хампаанньалара, ол иһигэр «Ростелеком», «ВКонтакте», «Гарда Технологии», «UserGate» бааллар, ону таһынан Саха сиригэр оҥоһуллубут бырайыактар турдулар.
Итини көрөн федеральнай миниистир Максут Шадаев : «Саха сирэ – ИТ-эйгэҕэ Арассыыйаҕа биир бастыҥ эрэгийиэнинэн буолар, элбэх аныгы цифровой сервистэр уонна кэскиллээх ИТ-бырайыактар аан бастаан мантан тахсаллар», – диэн  тоһоҕолоон бэлиэтээтэ.


«Якутия» технопарк резиденнэрэ Extra Cinema кинопроектор уонна цифровой системаны, «Мультидитек» интерактивнай босуобуйаны көрдөрдүлэр. «Дьокуускайдааҕы котловой собуот» модульнай электровелисопеды, «Куттала суох Артика» Саха сиригэр сөптөөх кылгас долгуҥҥа хабар көһө сылдьар рацияны, «Автономнай технологиялар» VeDroid Foton дезинфектор роботы көрдөрдүлэр.
Итини таһынан, үлэ вакансиятын көрдөрөр navahtu.ru уонна «Обращайся» диэн гражданнар, былаас уонна биисинэс бииргэ үлэлээһиннэрин итиэннэ «Под присмотром» диэн оҕо көрөөччүнү көрдүүргэ аналлаах сыһыарыылар дьон дьүүлүгэр таҕыстылар.

Лента
Салгыы
29 ноября
  • -34°C
  • Ощущается: -41°Влажность: 67% Скорость ветра: 2 м/с