Арассыыйа компромисска бэлэм

Арассыыйа Бэрэсидьиэнэ Владимир Путин сыл түмүктэрин таһаарар быһа эпииригэр киниттэн NBC суруналыыһа Кир Симмонс, Москва Трамп эйэлээх былаанын ылымматаҕына, 2026 сылга байыаннай дьайыы зонатыгар туох буоларыгар РФ Бэрэсидьиэнэ бэйэтин эппиэтинэстээҕинэн ааҕыныа дуо диэн ыйытта.

Онно Бэрэсидьиэн, иирсээн Киевкэ буолбут переворот кэнниттэн саҕаламмыта, ол кэнниттэн Украина бойобуой дьайыылары оҥорон барбыта. Биһиги бастаан өрөспүүбүлкэлэри билиммэккэ, эппиэттииргэ күһэллибиппит. АХШ бэрэсидьиэнэ Трамп иирсээни ис сүрэҕиттэн тохтото сатыыр. Анкориджка көрсүһүүгэ Трамп этиилэрин кытта биһиги сөбүлэспиппит. Ол иһин биһигини тугу эрэ ылымматтар дииллэрэ сыыһа. Биһиги компромисска бэлэммит. Мээчик билигин Киевкэ, бастатан туран Европатааҕы спонсордарын өттүгэр баар, диэн эппиэттээтэ.