Хаартыска: Дмитрий Ымычанов
Бэҕэһээ, бэс ыйын 11 күнүгэр, Сунтаарга С.А. Зверев-Кыыл Уола аатынан норуот айымньытын киинигэр Арассыыйа күнүн көрсө үөрүүлээх тэрээһин буолан ааста.
Арассыыйа күнүнэн улуус олохтоохторун Сунтаар улууһун баһылыга Анатолий Григорьев эҕэрдэлээтэ уонна Арассыыйа, Саха Өрөспүүбүлүкэтин уонна Сунтаар улууһун сайдыытыгар тус кылааттарын иһин бочуоттаах грамоталары, махтал суруктары уонна үрдүк бэлиэлэри туттарда.
РФ Үлэҕэ уонна социальнай көмүскэлгэ министиэристибэтин Бочуотунай грамотатын улуустааҕы нэһилиэнньэ социальнай көмүскэлин управлениетын сүрүн исписэлииһэ Валентина Ивановаҕа туттардылар. СӨ Култууратын туйгуна бочуоттаах бэлиэни оҕо бибилэтиэкэтин кылаабынай бибилэтиэкэрэ Марфа Спирова тутта. СӨ Бырабыыталыстыбатын грамотатын 2001-2023 сс. ситиһиилээхтик үлэлээбит улуустааҕы нэһилиэнньэ социальнай көмүскэлин управлениетын социальнай үлэһитэ Айталина Михайлова ылла.
Ону сэргэ Бүтүн Арассыыйатааҕы«Бастыҥ уһуйаан-2024» көрүү күрэҕин кыайыылааҕа, «Кыталык» оҕо сайдар киинин салайааччыта Валентина Петроваҕа диплом уонна махтал сурук туттарылынна. Сунтаар улууһун сэрии, тыыл уонна үлэ бэтэрээннэрин Сэбиэтин дипломнарын Үөһээ Бүлүүгэ ыытыллыбыт Бүлүү бөлөх уулустарын бэтэрээннэрин спартакиадатыгар ситиһиилээхтик кыттыбыттарын иһин Кутана, Элгээйи уонна Сунтаар нэһилиэктэрин бэтэрээннэрин хамаандаларыгар туттардылар.
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…
Дойдутааҕы МАХ мессенджергэ 75 мөлүйүөн туһанааччы бэлиэтэннэ. Платформа пресс-сулууспата иһитиннэрбитинэн, ахсынньыга сервиһи ортотунан суукка аайы…