Хаартыска: «Нам улууһа» МТ пресс-сулууспата
Дойдуга Арассыыйа, өрөспүүбүлүкэҕэ Оһуохай күннэринэн “Дойдубут туһугар Эҥсиэлигэ оһуохай дуорайдын!» үөрүүлээх тэрээһин буолла.
Күндү ыалдьыттарынан өрөспүүбүлүкэтээҕи “Оһуохай” түмсүүнү тэрийээччилэртэн биирдэстэрэ, Баһылай Манчаары спартакиадатын төрүттээччи, Арассыыйа, СӨ Физическэй култуураҕа үтүөлээх үлэһитэ, Д.П. Коркин аатынан Судаарыстыбаннай бириэмийэ лауреата, СӨ Аар Дархан этээччитэ Афанасий Алексеев, суруналыыстыка бэтэрээнэ, СӨ үтүөлээх оһуохайдьыта, Саха сирин Дархан этээччитэ, 2023 с. СӨ Ил Дарханын стипендиата Марта Николаева, “Эҥсиэли оһуохайа” түмсүү кураатара, “СӨ төрөөбүт тыл сайдыытыгар уонна үйэтитиитигэр кылаатын иһин” бэлиэ хаһаайына, СӨ үтүөлээх оһуохайдьыта, СӨ Дархан этээччитэ, Саха сирин Дарханнарын сэбиэтин бэрэссэдээтэлэ Валентин Хорунов буоллулар.
«Нам улууһа» МТ пресс-сулууспата иһитиннэрбитинэн, төрөөбүт тыл сайдыытыгар улахан кылааттарын киллэрбит үтүөлээх оһуохайдьыттар «Нам улууһугар оһуохай сайдыытыгар кылаатын иһин” анал бэлиэнэн наҕараадаланнылар.
Бу күн «Эҥсиэли оһуохайа» түмсүү төрүттээччитэ Татьяна Евсеева инникитин ситиһиилэри баҕаран туран дуоһунаһын эдэр, кэскиллээх оһуохайдьыкка Вера Цыпандинаҕа туттарда.
Салгыы модун Арассыыйаҕа туһуламмыт оһуохай түһүлгэтэ тэрилиннэ. Тэрээһин түмүгэр уус-уран самодеятельность кыттыылаахтара «Мин дойдум — модун Арассыыйа» эҕэрдэ кэнсиэри бэлэх ууннулар.
Тэрийээччилэр Нам улууһугар оһуохай сайдарын туһугар үлэлэспит дьоҥҥо барҕа махтал тылларын тиэртилэр, «инникитин өссө да Эҥсиэли эһиэкэйэ эйээрэ, оһуохайа дуорайа турдун!» диэн алгыс тылларын анаатылар.
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…
Ийэ айылҕабыт бэйэтэ анаан үүннэрэр эмтээх отун-маһын көдьүүстээхтик туһаныы билиҥҥи кэмҥэ ордук суолталанна. Бүгүн ааҕааччыларбытыгар…
Уус Алдаҥҥа Бэрт Ууһугар (баһылык И.П.Ильин) нэһилиэккэ дьоҥҥо-сэргэҕэ тиэйэргэ диэн анаан муус ылан бэлэмнээн кэбиһэр үтүө үгэстээхтэр.…