Салгыы
Арассыыйа күнүгэр оһуохай дьиэрэйдэ

Арассыыйа күнүгэр оһуохай дьиэрэйдэ

Ааптар:
12.06.2024, 20:15
Хаартыска: sakha.gov.ru
Бөлөххө киир:

Бүгүн, бэс ыйын 12 күнүгэр, киин куоракка Доҕордоһуу болуоссатыгар сомоҕолоһуу оһуохайа буолла.

Бу дьоһун суолталаах бырааһынньыгы бэлиэтииргэ  куорат олохтоохторо оһуохайга муһуннулар. Өрөспүүбүлүкэ салалтатын аатыттан киин куорат куорат олохтоохторун Саха сирин Бырабыыталыстыбатын бэрэссэдээтэлин солбуйааччы Сергей Местников эҕэрдэлээтэ

«Бүгүн Арассыыйа күнүгэр биһиги өрөспүүбүлүкэбит үгүс куораттарыгар араас хабааннаах тэрээһиннэрр, бэстибээллэр, куонкурустар ыытыллаллар. Бу күн биир саамай чаҕылхай түгэнинэн оһуохай буолар.  Билигин тэрээһин Доҕордоһуу болуоссатыгар ыытыллар. Ил Дархан быйыл ыам ыйын 25 күнүн Оһуохай күнүнэн биллэрбитэ. Быйыл аан бастакыын бу бырааһынньыгы үөрүүлээхтик бэлиэтээтибит», — диэн Сергей Местников бэлиэтээтэ.

Хаартыска: sakha.gov.ru

Саха Өрөспүүбүлүкэтин Култуураҕа уонна духуобунай сайдыыга миниистирэ Афанасий Ноев көлүөнэттэн көлүөнэҕэ култуурунай үгэстэри тиэрдии суолтатын бэлиэтээтэ. «Үгэс буолбут култуурабыт уонна ускуустубабыт оҕолорбутугар олус наадалаах. Инники кэскилбит кинилэртэн тутулуктаах. Итиэннэ оһуохай үҥкүүтэ курдук үгэс көлүөнэттэн көлүөнэҕэ бэриллибит өбүгэлэрбит хаалларбыт бэлэхтэрэ буолар», — диэтэ Афанасий Ноев.

Оһуохайга Саха сирин былааһын уонна уопсастыбаннаһын бэрэстэбиитэллэрэ кытыннылар. Сахалыы таҥастаах-саптаах култуура  диэйэтэллэрэ, ааттаах- суоллаах кэллиэс устудьуоннара эмиэ сахалыы таҥастаах кытыннылар. Оһуохай этээччитэ — «Дархан этээччи» үрдүк аат хаһаайына Дмитрий Иванов (Олоҥхо тыйаатыра).
+1
4
+1
0
+1
0
+1
0
+1
0
+1
0
+1
0
Бары сонуннар
Салгыы
23 июля
  • 23°C
  • Ощущается: 23°Влажность: 64% Скорость ветра: 2 м/с

Сообщить об опечатке

Текст, который будет отправлен нашим редакторам: