Арассыыйа күнүн көрсө  «Якутия, любимая моя!» быыстапка аһылынна

Арассыыйа күнүгэр дойду үрдүнэн араас хабааннаах тэрээһиннэр, кэнсиэртэр, быыстапкалар, аахсыйалар ыытыллаллар. Саха сиринээҕи Накаастабылы толоруу федеральнай сулууспата «Якутия, любимая моя!» хаартыска быыстапкатын тэрийдэ.

Манна федеральнай сулууспа үлэһиттэрин уонна кинилэр дьиэ кэргэттэрэ түһэрбит 50 тахса хаартыскалара көрүүгэ таҕыста.  Хаартыскаларынан үлэһиттэр уһук хоту дойду кэрэ көстүүлэрин көрдөрөллөр.

Ол курдук, Саха сирин дьикти алыптаах уонна олус эрэ айылҕата, Өлүөнэ очуостара, Булуус, о.д.а. кэрэ миэстэлэрэ ойууланаллар. Хаартыска ааптардара этэллэринэн, дойдуга таптал төрөөбүт сиртэн саҕаланар. Кинилэр үлэлэригэр төрөөбүт дойдуга истиҥ таптал, ыра санаа туолуута дьүһүйүллэр. Хаартыска быыстапкатын сүрүн сыалынан үүнэр көлүөнэҕэ патриотизм тыыныгар иитии, ытыктабылы үөскэтии буолар.