sakha.gov.ru
Владивостокка «Россия – страна возможностей» бэрэсидьиэн бырайыагын иһинэн бэһис сылын ыытыллар «Арассыыйа лидердэрэ» күрэх түмүктэннэ. 11 кыайыылаахтар истэригэр биһиги биир дойдулаахпыт Сергей Андреевскай ааттанна.
Барыта түмүктүүр күрэххэ Уһук Илиҥҥи 11 эрэгийиэнтэн 127 салайар үлэҕэ сыһыаннаах кыттааччылар күөн көрсүбүттэрэ. Саха сириттэн финалга 11 киһи тиийбитэ.
Сергей Иванович Андреевскай “Мииринэй оройуон” муниципальнай тэриллии дьаһалтатыгар үлэлиир, «Арассыыйа лидердэрэ» күрэххэ биэс төгүл төхтүрүйэн кыттыбыт.
“Үстэ уокурук финалыгар тиийэ сылдьыбытым, быйыл кэмниэ-кэнэҕэс бастаатым. Биир дойдулаахтарбар «Россия – страна возможностей» бэрэсидьиэн бырайыагын күрэхтэригэр харса суох кыттан иһэргитигэр ыҥырабын” — диэн этэр күрэх кыайыылааҕа Сергей Андреевскай.
Кыайыылааҕы Саха сирин Ил Дархана Айсен Николаев эҕэрдэлээтэ.
“Саха сириттэн «Арассыыйа лидердэрэ» күрэххэ сыл аайы биир дойдулаахтарбыт ситиһиилэхтик кытталлар. Владимир Владимирович Путин көҕүлээһининэн номнуо тыһыынчаттан тахса эдэр исписэлиис идэтийбит хайысхатыгар өрө тахсар кыаҕы ылан туһаннылар. Быйыл биһиги өрөспүүбүлүкэбититтэн Сергей Андреевскай 11 бастыҥнар иһигэр кииристэ”, — диэн Вконтакте сирэйигэр суруйда.
Ханнык баҕарар тэрилтэҕэ күһүн кэлэр сыллааҕы уоппуска кыраапыгын оҥороллор. Дойду Бырабыыталыстыбата кэлэр сыллааҕы үлэ күнүн…
Бэҕэһээ, ахсынньы 21 күнүгэр, Дьокуускай куоракка олорор «Ыаллыылар» бөлөҕү Сунтаар улууһун араас нэһилиэктэриттэн төрүттээх, Хатас…
Кэлиҥҥи кэмҥэ саха тэлэбиидэнньэтигэр бээтинсэ аайы көрөөччүнү аралдьытар, киһини сынньатар, уоскутар, сэргэхситэр айылгылаах “Уонна...” биэрии…
Билигин электрогенерация биэс улахан эбийиэгэ тутуллар диэн Ил Дархан Айсен Николаев иһитиннэрдэ. Бу Ленскэйгэ тутулла…
Илин эҥэрдээҕи диализнай киин арыллыытын былааннаатыбыт диэн Мэҥэ Хаҥалас улууһун баһылыга Дмитрий Тихонов иһитиннэрдэ. -…
Өрөспүүбүлүкэҕэ 2024 сылга уопсайа 193,76 МВт кыамталаах 14 хочуолунайы үлэҕэ киллэрдилэр диэн ОДьХК уонна энергетика…