РФ бэрэсидьиэнин пресс-сулууспата
Арассыыйа тас дойдуттан кэлэр дьоҥҥо хонтуруолу күүһүрдүөҕэ. Бу туһунан Арассыыйа Бэрэсидьиэнэ Владимир Путин Ис Дьыала министиэристибэтин муус устар 2 күнүнээҕи мунньаҕар иһитиннэрдэ.
Владимир Путин Москваҕа кулун тутар 22 күнүгэр “Крокус Сити Холл” кэнсиэртиир саалаҕа буолбут быһылаан кэнниттэн түмүгү таһаарыы, мантан сиэттэрэн үлэни-хамнаһы сыаналааһын, ырытыы дьэҥкэ уонна чуолкай буолуохтааҕын эттэ.
— Бу тахсыбыт быһылааны ырытыы дьэҥкэ буолуохтаах уонна үлэ-хамнас өттүн көрөн, онно олоҕуран анализтааһын барыахтаах. Ити инникитин дьон-сэргэ тоҕуоруһа мустар сирдэригэр бэрээдэги көрүүгэ, куттал суох буолуутун хааччыйыыга туһуланыаҕа, — диэн бэлиэтиир кини.
Бэрэсидьиэн этэринэн туох баар социальнай эбийиэктэргэ бэрээдэги көрүү, харабыллааһын мантан салгыы өссө күүһүрүөхтээх.
— Успуорт, култуура эбийиэктэригэр, тырааныспардарга, атыы-тутуу кииннэригэр, оскуолаларга, балыыһаларга, үрдүк үөрэх кыһаларыгар, о.д.а. эбийиэктэргэ хонтуруол куруутун баар буолуохтаах. Манна биир сүрүн оруолу ис дьыала уорганнара ылаллар, — диэн этэр кини.
Владимир Путин мантан сиэттэрэн мунньахха дойду миграционнай бэлиитикэтин хат көрөргө эттэ.
— Миграционнай бэлиитикэ боппуруоһун хат көрүөххэ наадатын эрдэ этэн турабын. Билигин, хомойуох иһин, бэйэтин дойдутугар хас эмэ буруйу оҥорон кэлбит киһи кэбэҕэстик үлэ патенын ылан, тарбах быыһынан, Арассыыйа олохтооҕо буолар түгэнэ тахсыталыы турар. Оттон сорохтор сылы сыллаан Арассыыйа олохтооҕо кыайан буолбат түгэннэрэ эмиэ баар. Онон манна биометрическай баазаны саҥардар уолдьаста. Бу бааза аныгылыы сыыппараҕа олоҕуруохтаах. Иккиһинэн, бу боппуруоһу көрөргө судаарыстыбаҕа куттал суох буолуутун хааччыйыы, дойду, уопсастыба интэриэһин көрүү бастакы уочаракка тутуллуохтаах. Манна, Арассыыйа элбэх омуктаах дойду буоларын быһыытынан, биһиги барыбыт култуурабыт, тылбыт-өспүт, итэҕэлбит барыта учуоттаныллыахтаах. Арассыыйаҕа үлэлии, олоро кэлэр киһи, бастатан туран, биһиги тылбытын-өспүтүн, култуурабытын, үгэспитин, историябытын сыаналыахтаах, ытыктыахтаах, — диэн иһитиннэрдэ Владимир Владимирович.
Бу боппуруостары көрөргө Бэрэсидьиэн Ис дьыала министиэристибэтигэр, быраабы көмүскүүр уорганнарга, анал сулууспаҕа, Арассыыйа бырабыыталыстыбатыгар, Бэрэсидьиэн дьаһалтатыгар сорудах биэрдэ.
Уус Алдан улууһун Бээди оскуолатын 2-с кылааһын үөрэнээччитэ Эрхан Захаров улахан киһилии хорсун быһыыны оҥорбут,…
Дойду бэрэсидьиэнэ Владимир Путин көҕүлээһининэн Саха сиригэр култуура сайдар. “Добро.рф ассоциацияҕа” киирэр “Култуура волонтердара” Бүтүн…
Уус Алдан улууһун Бороҕоннооҕу оҕо ускуустубатын оскуолатын материальнай-тиэхиньиичэскэй баазата биллэрдик хаҥаабыт. Дойду бэрэсидьиэнэ Владимир Путин…
Быйыл Арктика улуустарыгар Арктикатааҕы атыы-логистика хампаанньата олохтоох хаһаайыстыбалар үүннэрбит хаппыысталарын, сүбүөкүлэлэрин, моркуоптарын уонна хортуоппуйун киллэрэн…
ИДьМ Дьокуускайдааҕы 4-с нүөмэрдээх полиция салаатын дьуһуурунай чааһыгар, мэдиссиинэ тэрилтэтиттэн, куорат биир кыбартыыратыгар эр киһи…
Киһи кулгааҕа тыаһы, дорҕоону икки кулгааҕынан истэргэ аналлаах. Өскөтүн биир эрэ кулгаахха наушнигы кэтэн иһиттэххэ…