«Арассыыйа – мин историям» паарка сиригэр оҕо өлүүтүнэн бэрэбиэркэ түмүктэннэ

Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо, 9-с кылаас үөрэнээччилэрэ, күнүс «Арассыыйа – мин историям» паарка сиригэр кэлэннэр, тиэхиньикэлэри интэриэһиргээн, көрдөрүүгэ турар тааҥка аллараа өттүнэн тахсар саппаас люгунан киирбиттэр. Өлүү түбэлтэлээх биир уолу тааҥка босхо сылдьар чааһа баттаан, эт-хаан ыарахан эчэйиитин ылан тыына быстыбыт.

Уол оҕо өлүүтүгэр аллараа баар саппаас люк хамсаабат гына сыбааркаламматаҕа, тиэхиньикэҕэ көҥүл киирэр кыах баара, анал хахха оҥоһуллубатаҕа, экспонаты сиэрдээхтик хонтуруоллааһын суоҕа тиэрдибит.

Борокуратуура РФ Холуобунай кодексатын 109-с ыстатыйатын 1 чааһынан, ол эбэтэр, сэрэҕэ суохтан өлүүгэ тиэрдии бэлиэтэ баарынан тэриллибит холуобунай дьыаланы силиэстийэлээһини хонтуруолга ылбыт.

Маннык быһылааннар салгыы тахсыбаттарын хааччыйар сыаллаах ыытыллыбыт бэрэбиэркэлэринэн, Саха кадетскай оскуола-интэринээт дириэктэригэр, Пааркалар уонна уопсастыбаннай тэриллиилэр дириэктэрдэригэр, кинилэр бас билэр сирдэригэр байыаннай тиэхиньикэ экспонаттара баарынан, сокуону кэһиини тохтоторго сэрэтии оҥоһуллубут.