Хаартыска: "Арассыыйа -- мин устуоруйам" пааркаттан.
Дьокуускайга ахсынньы 9 күнүгэр «Арассыыйа — мин устуоруйам» пааркаҕа Аҕа дойду Дьоруойдарын чиэстээтилэр. Бу суолталаах бырааһынньыгы Арассыыйаҕа 2007 сыллаахтан бэлиэтииллэр. Тэрээһин үөрүүлээх аһыллыытын устуоруйа пааркатын дириэктэрэ Дмитрий Соловьев, байыаннай дьайыы кыттыылааҕа, военком үлэһитэ Владимир Носик, байыастар дьиэ кэргэттэрин кэмитиэттэрин актыыбын чилиэнэ Нюргуяна Илларионова тыл этэн арыйдылар. Кинилэр Аҕа дойдуну көмүскээччилэри, волонтердары эҕэрдэлээтилэр.
Нюргуяна Илларионова Аҕа дойдуну көмүскээччилэри эҕэрдэлээн тыл эттэ:
— Бүгүҥҥү тэрээһиммитигэр Аҕа дойдуну көмүскүү сылдьар байыастарбыт дьиэ кэргэттэрэ кытыннылар. Дьоруойдар күннэрин биһиги устуоруйа пааркатын кытта бииргэ бэлиэтиибит. Тоҕо диэтэххэ, паарка байыастар дьиэ кэргэттэрин кэмитиэттэрин кытта ыкса үлэлэһэр партнер буолар, — диэтэ. Кини устуоруйа пааркатын дириэктэрэ Дмитрий Иванович этиитин, ыччакка байыаннай дьайыы суолтатын эппитин биһирээбитин иһитиннэрдэ. Маны сэргэ кини тыылга бары күүстэрин ууран үлэлии сылдьар волонтердары бэлиэтээтэ. Ол курдук, Саха сиринээҕи «Бойобуой шелкопрядтары» чиэстээбититтэрин сөптөөҕүнэн аахта.
Үөрүүлээх быһыы-майгы, эҕэрдэ кэнниттэн барыларын Устуоруйа пааркатын бастайааннай экспозициятын көрөргө ыҥырдылар. Уопуттаах экскурсоводтар биһиги дьоруойдарбыт, байыастарбыт хорсун быһыыларын, хаартыскаларын уонна ураты экспонаттары билиһиннэрдилэр. Манна Мерф диэн позывнойдаах байыас хаартыскаҕа түһэриилэрин көрдөрдүлэр. Маны сэргэ Аҕа дойду Улуу сэриитин «От великих потрясений к Великой Победе» диэн экспозицияны туруордулар. Бырагыраама сүрүн суолталаах чааһынан онлайн-уруок буолла. Бойобуой дьайыы, Афганистан сэритин кыттыылааҕа, Арассыыйатааҕы норуот фронун эрэгийиэннээҕи исполкомун хос бэрэссэдээтэлэ, «Знание» Арассыыйатааҕы уопсастыба лектора кытынна. Онлайн уруокка 55 оскуолаттан 600-тэн тахса үөрэнээччи кытынна.
Бу тэрээһин ааспыт кэм дьоруойдарын уонна билиҥҥи кэм дьоруойдарын холобур оҥосторго тоҕоостоох буолла.
Билигин бырааска тэйиччиитэн суруттарар кыах баар буолла. Электроннай больничнайы эмиэ маннык оҥорторуохха сөп. Ол барыта…
Беларусь Өрөспүүбүлүкэтин Минскэй куоратыгар олунньу 20-22 күннэригэр үс төгүллээх олимпийскай чөмпүйүөн Александр Медведь бирииһигэр көҥүл…
Ленскэй оройуонугар биир киһи «ВАЗ-2121» массыынаны алдьатан, холуобунай дьыалаҕа эрилиннэ. Бу туһунан ИДьМ пресс-сулууспата иһитиннэрдэ. …
80 саастарын ааспыт кырдьаҕастары, эбэтэр, 1 группалаах инбэлииттэри көрөн-харайан олорор кэм биэнсийэҕэ страховой ыстаас быһыытынан…
Нам улууһугар олунньу 15 күнүгэр СӨ хапсаҕайга федерациятын президенэ Николай Румянцев бирииһигэр республикатааҕы «Эҥсиэли хапсаҕайа»…
Өрөспүүбүлүкэҕэ “Саха сирэ – дьоруойдар дойдулара” каадыр бырагыраматын олоххо киллэрии бара турар. Барыл кыттыылаахтара өрөспүүбүлүкэ…