«Арассыыйа – мин устуоруйам» история пааркатыгар муус устар 4 күнүгэр күнүс 14:00 чаастан уһулуччулаах судаарыстыбаннай уонна бэлитиичэскэй диэйэтэл Гавриил Иосифович Чиряев төрөөбүтэ 100 сылыгар аналлаах быыстапка үлэтин саҕалыаҕа.
«Гавриил Иосифович Чиряев: норуокка анаммыт олох» быыстапка муус устар 19 күнүгэр диэри үлэлиэҕэ. Гавриил Иосифович быыстапкатыгар сүнньүнэн архыып докумуоннара, хаартыскалар, киинэлэр уонна аудиозаписьтар киирдилэр. Быыстапкаҕа кини олоҕун туһунан уонна үлэтин-хамнаһын көрдөрүөхтэрэ. Матырыйааллары Национальнай архыып, Саха сирин норуоттарын аудиовизуальнай нэһилиэстибэтин национальнай киинэ биэрдилэр.
Быыстапка сыала-соруга — Саха сирин талааннаах салайааччытын Чиряев уобараһын арыйыы.
«Гавриил Иосифович олус ураты лиичинэс этэ. Бүлүү оройуонугар кыракый Кыаданда дэриэбинэҕэ төрөөбүтэ. Кини үөрэххэ дьоҕурун көрдөрөн, бэйэтин талаанын кыра эрдэҕиттэн көрдөрбүтэ. Итини барытын кини үөрэҕин бүтэриэҕиттэн математикаҕа, физикаҕа уонна байыаннай бэлэмнэнии уруоктарын ыытыыта көрдөрөр.
Гавриил Иосифович — Аҕа дойду Улуу сэриитин кыттыылаахтарыттан Саха сирин соҕотох салайааччыта. Кини милитаристскай Японияны кытта сэриилэспитэ, билиҥҥи Кытай территориятын босхолоон, Порт-Артурга тиийбитэ. Судаарыстыбаннай управление уорганнарыгар кини үлэтин туһунан этэр буоллахха, олус киэҥ далааһыннаах дьыала этэ», — диэн түмэл дириэктэрэ Дмитрий Соловьев кэпсээтэ.
Кини Гавриил Чиряев чох хостуур бырамыысыланнаһын сайыннарыыга, Саха сирин энергетикатын сайыннарыы, алмааһы хостуур бырамыысыланнаһы сайыннарыы, чох хостуур бырамыысыланнаһын атын салааларын тэрийии, өрөспүүбүлүкэҕэ геологическай-оҥорон таһаарар комплекстары тэрийиигэ, саамай бөдөҥ геологическай комплекстары тэрийиигэ өҥөлөрүн бэлиэтээтэ.
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…