Хаартыска: РФ бырабыыталыстыбатын сайтыттан
Судаарыстыбаннай Дуума ыам ыйын 13-14 күннэригэр ыыппыт мунньахтарыгар бырабыыталыстыба саҥа састаабын бигэргэттэ. Дойду сэбилэниилээх күүһүгэр эппиэттиир сирэй миниистирдэр уларыйдылар, ону сэргэ хас да эрэгийиэн салайааччыта миниистиринэн ананна.
Санатан эттэххэ, сокуон быһыытынан, бырабыыталыстыбаҕа 21 миниистир баар. Олортон биэс миниистир (Тас дойдулар дьыалаларыгар, Оборуона, Ис дьыала, Юстиция, Ыксаллаах быһыы-майгы миниистирдэрэ) бэрэсидьиэн быһаччы хонтуруолугар сылдьаллар. Балартан Оборуона миниистирэ Сергей Шойгу уларыйда. Сергей Кужугетович Арассыыйаҕа куттал суох буолуутун сэбиэтин сэкирэтээринэн ананна. Кини оннугар бырабыыталыстыба бэрэссэдээтэлин бастакы солбуйааччынан үлэлии олорбут Андрей Белоусов кэллэ.
Тыа хаһаайыстыбатын миниистиринэн Оксана Лут ананна. Кини эрдэ миниистири бастакы солбуйааччынан үлэлии олорбута. Итини таһынан хас да эрэгийиэн салайааччыта миниистиринэн ананнылар. Ол курдук, бырамыысыланнас миниистиринэн Калининград уобалаһын губернатора Антон Алиханов, тырааныспар миниистиринэн Курскай уобалас губернатора Роман Старовойт, энергетика миниистиринэн Кемеров уобалаһын губернатора Сергей Цивилев, успуорт миниистиринэн Хабаровскай кыраай губернатора Михаил Дегтярев ананнылар. Онон бу үөһээ ааттаммыт түөрт эрэгийиэҥҥэ сотору кэминэн губернатордар быыбардара буолуоҕа.
Уоннааҕылар – экэниэмикэ, үп, социальнай харыстабыл, тутуу, сибээс, наука, үөрэхтээһин, култуура, доруобуйа харыстабылын, Уһук Илин сайдыытын, экология миниистирдэрэ – оннуларынан хааллылар.
Ил Дархан Айсен Николаев Арассыыйа Бэрэсидьиэнэ Владимир Путин пресс-кэмпириэнсийэтигэр Саха сирин суруналыыстарын кыттыытын туһунан санаатын…
Быһылаан Дьокуускайга ахсынньы 20 күнүгэр сарсыарда эрдэ буолбут. Эрдэҕэс саастаах оҕолор икки билбэт киһилэрин кырбаабыттар.…
2025 сыл бүтэһик нэдиэлэтэ икки эрэ үлэ күннээх, ол кэнниттэн Арассыыйа олохтоохторун саҥа дьыллааҕы сынньалаҥ…
Саҥа дьылга бэлэмнэнэн сотору Саха сирин олохтоохторо мандарины атыылаһыахтара. Мандарины атыылаһаргытыгар сирийэн көрүҥ. Өскөтүн мандарин…
Энэргиэтиктэр күннэринэн быйыл тэриллибиттэрэ 60 сылын туолбут “Якутскэнерго” ПАУо Киин элэктэриичэскэй ситимнэрин салайааччыта Петр Гаврильевич…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…