Арассыыйа миниистирэ Сергей Лавров Турцияҕа үлэлиир

Арассыыйа тас дойдулар дьыалаларыгар миниистир Сергей Лавров бэҕэһээ Анкара куоракка тиийдэ. Манна кини Турция Өрөспүүбүлүкэтин тас дойдулары кытары үлэлэһэр миниистирин Мевлют Чавушоглуну кытары көрсүөҕэ.

Бу туһунан РФ тас дойдулар дьыалаларыгар министиэристибэ бэрэстэбиитэлэ Мария Захарова бэйэтин “Телеграм” ханаалыгар иһитиннэрэр. Бүгүн миниистирдэр икки дойду сыһыаннаһыыларыгар уонна норуоттар икки ардыларынааҕы боппуруостарга мунньах ыытыахтара. Ол иһигэр Украинаны кытары сыһыаны, туораахтаах бурдугу муоранан ыытыыны, Турция уонна Сирия сыһыаннарын, Арассыыйа хампаанньата “Аккую” станциятын аһыллыытын, о.д.а. боппуруостары көрүөхтэрэ.