Салгыы
Арассыыйа муниципальнай пуорумугар Саха сириттэн 155 аҕа баһылык кыттар

Арассыыйа муниципальнай пуорумугар Саха сириттэн 155 аҕа баһылык кыттар

15.01.2024, 22:29
Хаартыскалар С.Саргыдаев архыыбыттан
Бөлөххө киир:

Бүгүҥҥүттэн дойду тэбэр сүрэҕэр аан бастакытын РФ Бэрэсидьиэнин сорудаҕынан «Малая Родина – сила России» Бүтүн Арассыыйатааҕы муниципальнай пуорум саҕаланна.

Өрөспүүбүлүкэ  улуустарыттан уонна сэлиэнньэлэриттэн 155 баһылык кыттар. Муниципальнай пуорумҥа дойду үрдүнэн барыта 7,5 тыһыынча баһылык биир сиргэ түмсэн уопут атастаһыаҕа.

«Биһиги бүгүн Саха сириттэн 155 нэһилиэк уонна улуус аҕа баһылыктара араас эрэгийиэнтэн кэлбит баһылыктары кытары  «Малая Родина – сила России» бастакы Бүтүн Арассыыйатааҕы муниципальнай пуорумҥа кытта сылдьабыт. Бу пуоруму Бүтүн Арассыыйатааҕы олохтоох бэйэни салайыныыны сайыннарыы ассоциацията көҕүлээн ыытар. Пуорум үс былаһаакканан арахсан үлэлии турар уонна ВДНХ иһинэн араас быыстапкалар тэриллибиттэр. Бары хайысхаларынан былаһааккалар үлэлииллэр: анал байыаннай дьайыы, патриотическай иитии, бэйэни салайыныы сокуона, нэһилиэги тупсарыы, ыччат бэлиитикэтэ, кыра куораттар, о.д.а. араас хайысхалардаах национальнай бырайыактар боппуруостарынан дьүүллэһиилэр бараллар. Онон биһиги тэрийээччилэргэ махтанабыт, бүтүн дойду үрдүнэн, сиргэ үлэлии сылдьар муниципалитеттар аҕа баһылыктарын биир сиргэ мунньан, Арассыыйаны хайдах курдук киэн туттарбытын бары хайысханан көрдөрдүлэр. Аграрнай бэлиитикэ, гаас, успуорт хайысхалара, о.д.а. биһиэхэ олус туһалаах кэпсэтиилэр бара тураллар диэн бэлиэтээн этиэхпин баҕарабын », — диэн Чурапчы улууһун баһылыга Степан Саргыдаев санаатын үллэһиннэ.

Тэрээһин ВДНХ аҕыс павильонунан ыытыллар, онно үс дьүүллэһии былаһаакката, 65 «төгүрүк остуол», 19 лиэксийэ-семинар, бырайыактары билиһиннэрии уонна федеральнай былаас уорганнарын бэрэстэбиитэллэрин кытары көрсүһүү барыа.

+1
8
+1
0
+1
0
+1
0
+1
0
+1
0
+1
1
Бары сонуннар
Салгыы
25 июня
  • 20°C
  • Ощущается: 19°Влажность: 40% Скорость ветра: 4 м/с

Сообщить об опечатке

Текст, который будет отправлен нашим редакторам: