«Арассыыйа» национальнай киинигэр Москваҕа Уһук Илин күннэрэ саҕаланнылар

Сэтинньи 1 күнүгэр «Уһук Илин күннэрэ — Москваҕа– 2025» иитэр-патриотическай тэрээһиннэр чэрчитинэн «Арассыыйа» национальнай киинигэр аан бастаан ураты экспозиция аһылынна.

Быыстапка Уһук Илиҥҥэ хас биирдии киһиэхэ аһыллар кыахтаах уонна кэскиллэр эйгэлэригэр киллэрэр. Быыстапка сүрүн сыала – Уһук Илин эрэгийиэннэрин түргэтиллибит сайдыытын, үөрэх, үлэҕэ ылыы, дьиэ бэлиитикэтин, култуура, туризм, экэниэмикэ уонна урбаан эйгэлэригэр баар кыахтары кэпсиир. Уһук илин экспозицията хас да интерактивнай зонаттан уонна арт-эбийиэктэртэн турар. Экскурсовод көмөтүнэн ааһар маршрукка холбоммуттар. Быыстапкаҕа киириигэ ыалдьыттары «Куонкурустар уоннa бырайыактар» диэн зона көрсөр.

Бу зона Уһук Илиҥҥэ көҕүлэммит уонна кинини киэҥник тарҕатыыга туһуламмыт куонкурустарга, бириэмийэлэргэ уоннa бырагыраамаларга кыттарга ыҥырар. «Уһук Илин күннэрэ  — Москваҕа» быыстапка экспозицията бу сыл сэтинньи 30 күнүгэр диэри күн аайы, бэнидиэнньиктэн ураты, үлэлиир. Быыстапкаҕа «Арассыыйа» национальнай киинин арҕаа өттүнэн киириэххэ сөп. Аадырыһа: Москва к., Краснопресненскай наб., 14, 18 «Уһук Илин күннэрэ Москваҕа» бырайыак РФ Бэрэсидьиэнин Уһук Илиҥҥэ боломуочуйалаах бэрэстэбиитэлин Аппараатын, Арассыыйа Уһук Илини сайыннарар министиэристибэтин, Уһук Илини уонна Арктиканы сайыннарыы корпорациятын уонна «Социальнай көҕүлээһиннэри сайыннарар пуонда» кэммиэрчэскэйэ суох тэрилтэ өйөбүллэринэн олоххо киирдэ. Тэрээһиннэр толору бырагыраамаларын https://ddv.moscow/ саайтан көрүөххэ сөп.