Арассыыйа норуоттарын сомоҕолоһууларын сыла үөрүүлээх быһыыга-майгыга арылынна

РФ Бэрэсидьиэнэ Владимир Путин Арассыыйа норуоттарын сомоҕолоһууларын сылын үөрүүлээх быһыыга-майгыга арыйда.

Тэрээһин «Россия — семья семей» марафон иитинэн ыытылынна.  ЯСИА суруллубутунан, Саха сирэ  «Патриот» ыччат кииниттэн онлайн кыттыбыт.

Үөрүүлээх тэрээһин Москваҕа «Россия» Национальнай киин былаһааккатыгар ыытыллыбыт. Тэрээһиҥҥэ дойду бары эрэгийиэннэрэ, түөрт тыһыынчаттан тахса киһи кыттыбыт. Болҕомто киинигэр —  сүүһүнэн араас омук биир дьиэ кэргэн курдук иллээхтик олороро РФ судаарыстыба быһыытынан уратытын көрдөрөр.

«Знание» уопсастыба тэрийбит «Россия — семья семей» марафона норуоттар сомоҕолоһууларын, үгэстэр утумнаахтык салҕаналларын уонна Арассыыйа гражданнара түмсүүлээхтэрин көрдөрөр соруктаах.