https://www.sakha.gov.ru/
Арассыыйа норуоттарын сомоҕолоһууларын сылыгар Саха сиригэр 60-тан тахса тэрээһини ыытарга былаанныыллар. Сүрүн тэрээһиннэр бырайыагын СӨ Ил Дархана Айсен Николаев ахсынньы 27 күнүгэр национальнай бэлиитикэ боппуруостарыгар сүбэ мунньаҕар көрдө.
«Кэлэр сыл Владимир Путин ыйааҕынан биһиги дойдубутугар Арассыыйа норуоттарын сомоҕолоһууларын сылынан биллэрилиннэ. Мин Ил Түмэҥҥэ туһаайан этиибэр 2026 сылы өрөспүүбүлүкэҕэ Култуура сылынан биллэрбитим. Бу саҕалааһыннар бэйэ-бэйэлэрин ситэрсэн биэрэллэр. Биһиги кэскилбит — баай култууралаах уонна устуоруйалаах, айар кыахтаах, күүстээх, элбэх омуктаах, сомоҕолоспут норуоттар кэскиллэрэ», — диэн Айсен Николаев эттэ.
Кини бу сыл сэтинньи 25 күнүгэр национальнай бэлиитикэ саҥа стратегията 2036 сылга диэри ылыныллыбытын бэлиэтээтэ. Дойду сүрүн сыалынан элбэх омуктаах норуот сомоҕолоһуутун бөҕөргөтүү буолар. Арассыыйа нэһилиэнньэтин ахсаанынан аан дойдуга бастыҥ уон дойду ахсааныгар киирэр. Дойдуга 190-тан тахса омук олорор, 300-тэн тахса тыл туттуллар, онтон 100-тэ — Арассыыйа Федерациятын норуоттарын тыллара.
«Биһиги уопсай үлэбитигэр омуктар икки ардыларынааҕы сыһыаны өйдөөһүнү уларытыыга, норуоттар култуураларын сайыннарыыга үлэни бөҕөргөтүүгэ олус суолталаах», — диэн Айсен Николаев эттэ.
Мунньахха ааһан эрэр сылга Саха сиригэр норуоттар сомоҕолоһууларын бөҕөргөтүүгэ уонна омуктар икки ардыларынааҕы сыһыаны дьүөрэлээһиҥҥэ анаммыт национальнай-култуурунай түмсүүлэр уонна хаһаахтар уопсастыбаларын суолталаах бырайыактара өйөбүлү ылбыттара бэлиэтэннэ. Ааһан эрэр сыл биир суолталаах тэрээһининэн Дьокуускайга тас дойду гражданнарын социальнай уонна култуурунай адаптациятын киинэ тэриллибитэ буолар. Өрөспүүбүлүкэҕэ олорор норуоттар култуураларын уонна үгэстэрин сайыннарыыга анаммыт элбэх тэрээһин ыытылынна, Хотугу аҕыйах ахсааннаах төрүт омуктар тылларын уонна духуобунай култуураларын харыстааһыҥҥа уонна сайыннарыыга бырайыактар олоххо киирдилэр. Сиһилии манна аах https://www.sakha.gov.ru/news/18037
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…
Фронт кирбиитигэр саха конструктордара оҥорбут сеткомёттарын бэрэбиэркэлээн көрөн баран, байыаннайдар үрдүк сыананы биэрдилэр. Бу туһунан…
Арассыыйа Баанын Саха сиринээҕи салаатыгар түөкүттэргэ албыннаппаттарын уонна үптэрин-харчыларын сүтэрбэттэрин туһугар килийиэннэрин көмүскээбит баан үлэһиттэрин…