Владимир Путин Арассыыйа норуоттарын тылларын уонна нуучча тылын өйөөһүҥҥэ судаарыстыбаннай бэлиитикэни олоххо киллэриигэ Сэбиэт мунньаҕын көҕүлээн ыытта.
Кини бу күн Арассыыйа норуоттарын тылларын күнүн олохтуурга этии көтөхтө. Бу бырааһынньыгы сылын аайы балаҕан ыйын 8 күнүгэр, бэйиэт Расул Гамзатов төрөөбүт күнүгэр, бэлиэтииргэ этии киллэрдэ.
Судаарыстыба баһылыга Арассыыйа норуоттарын тылларын оннунан хаалларыы уонна сайыннарыы тиһигин быспакка бары таһымҥа өйөбүлгэ наадалааҕар болҕомтотун уурда.
«Саха сиригэр бу ураты тиэмэ — отуттан тахса сыл устатыгар тыл бэлиитикэтин сайыннарабыт. 1992 сыллаахха СӨ тылларын туһунан сокуон ылыныллыбыта, онтон 1996 сыллаахха Саха сирин бастакы Бэрэсидьиэнэ Михаил Ефимович Николаев дойдуга биир бастакынан Төрөөбүт тыл уонна сурук- Бичик күнүн тэрийбитэ. Бүгүн биһиги өрөспүүбүлүкэбитигэр 135-тэн тахса омук бэрэстэбиитэллэрэ олорор», — диэн бэлиэтээтэАйсен Николаев.
Ил Дархан этэринэн, кэлиҥҥи сылларга тылы харыстааһыҥҥа бырагырааманы үбүлээһинэ икки төгүл кэриҥэ улааппыт — 100 мөлүйүөн солкуобайга тиийбит. «Төрөөбүт тылынан үлэлиир дьоҥҥо барыларыгар ис сүрэхпиттэн махтаныахпын баҕарабын. Эһиги үлэҕитигэр-хамнаскытыгар тыл сайдар, салҕанар» — диэтэ Айсен Николаев.
Ыалдьыты былыр үөрэ-көтө айдааран көрсүбэттэр этэ. Хайдах киһи дьиэҕэ киирбитин дьиэлээх тойон ороҥҥо сытан тута…
Экэнэмиичэскэй пуорумҥа Социальнай чинчийиилэр эспиэртиир институттара (АНО ЭИСИ) кыттыылаах Уһук Илиҥҥи эрэгийиэннэр салайар быраактыкаларыгар социальнай…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Владивостокка Уһук Илиннээҕи федеральнай университет кампуһугар саамай былыргы сэлии тобохторо угуллубут саркофагын аҕаллылар. Илиҥҥи экэнэмиичэскэй…
Сахабыт сирин агрооскуолалара сылын ахсын оҕуруот аһын арааһын олордоллор, оскуолаларын дьэрэкээн сибэккинэн симииллэр. Олортон биирдэстэринэн…
Саха сиригэр ааспыт сууккаҕа үс ойуур баһаарын умуруордулар. Уот хаппыт уопсай иэнэ 1 596 га. Бу…