Тохсунньу 26 күнүттэн Люба Борисова “Кэрэни көрбүт” киинэтэ Арассыыйа үрдүнэн киэҥ экраҥҥа быракаакка тахсыаҕа.
Нуучча көрөөччүтүгэр киинэ “Не хороните меня без Ивана” диэн аатынан тахсар. Ол эрэн киинэ дубляжтаммакка сахалыы тылынан көстүөҕэ, тылбааһа субтитрынан бэриллэр. Киинэ режиссера Борисова бу күннэргэ Индияҕа бараары сылдьар. ШОС холбоһук дойдуларын бастакы киинэ бэстибээлэ Мумбай куоракка буолар. Онно “Кэрэни көрбүт” сүрүн күрэххэ талыллыбыта. Ону таһынан уус-уран лиэнтэ Иранҥа 1982 сылтан ыытыллар Fajr International Film Festival 41-с бэстибээлин куонкурсун бырагырааматыгар талыллыбыта.
Дьиҥэр, киин аан дойдутааҕы премьерата Канадаҕа Toronto International Film Festival чэрчитинэн ааһыахтаах этэ, ол эрэн аан дойду бэлиитикэтигэр уустук балаһыанньа баарынан ити күрэххэ киинэ кыайан барбата.
“Дьиэ иһинээҕи” Арассыыйа бэстибээллэригэр “Кэрэни көрбүт” кэккэ кыайыылаах. “Зимний” диэн ааттаммыт Москваҕа ыытыллар улахан кэскиллээҕинэн ааҕыллар бэстибээл Гран-при наҕараадатын туппута, Чукоткаҕа ыытыллар «Золотой ворон» бэстибээлгэ анал бириис хаһаайына буолбута.
“Саха сиригэр оҥоһуллар киинэ кырдьыктан халыйбат, дьиҥ истиҥ оҥоһуулаахтарын көрөөччүлэр уонна киинэ эспиэрдэрэ сөбүлүү көрөллөрө буолуо. Ону кытта биһиги режиссердарбыт талааннара, куруутун сайдарга баҕалаахтара сабыдыаллааҕа саарбаҕа суох”, — диэн Ил Дархан Айсен Николаев бэлиэтээн эппитэ.
“Кэрэни көрбүт” киинэни “Сахафильм” национальнай киинэ хампаанньа уонна “Студия Автор” ХЭТ кыттыһан устубуттара, Арассыыйа култууратын министиэристибэтэ, Саха сирин култууратын уонна духуобунай сайдыытын министиэристибэтэ өйөөбүттэрэ.
Тохсунньу 19 күнүгэр уус-уран киинэни Санкт-Петербург “Родина” киинэ тыйаатырыгар көрдөрүөхтэрэ, тохсунньу 20 күнүттэн Москваҕа “Октябрь”, «Москино Салют», «Иллюзион» саалаларыгар көрдөрөн саҕалыахтара. Новосибрскайга “Победа” киинэ саалатыгар киинэ көстүөҕэ.
Кыайыы күнэ. Муҥура суох үөрүү, харах уута аргыстаах, кыырыктыйбыт чанчыктаах, өрөгөйдөөх бырааһынньык! Ити билигин, итинник…
Бу хаартыска 1975 сыллаахха Кыайыы 30 сылыгар түһэриллибит. Урут хаартысканан түһэрии үөдүйэн турдаҕына дьарыктана сылдьан…
Аҕа дойду уоттаах сэриитигэр Улуу Кыайыы 80 сылынан Ем.Ярославскай түмэлигэр “Реликвии Великой Отечественной…” быыстапка буолла.…
Модун кыахтаах Сэбиэскэй судаарыстыба улуу нуучча норуотун салалтатынан биэс сыллаах алдьархай аргыстаах Аҕа дойду сэриитин…
1827 сыллаахха атыыһыттар көҕүлээһиннэринэн, үпкэ-харчыга тус кыттыһыыларынан Дьоҕус баһаарга тутаах дьиэни 1830 сыллаахха диэри туттарбыттар…
Бүгүн, ыам ыйын 11 күнүгэр, уочараттаах оһуокай Арчы дьиэтигэр үрдүк таһымнаахтык ыытылынна. Үс Дьоруойдаах Бүлүү…