Арассыыйа олохтоохторо VK портал нөҥүө биллэр артыыстары кытта көрүстүлэр

Бэс ыйын 10-18 күннэригэр Арассыыйа күнүнэн 10 куоракка, араас эрэгийиэннэр олохтоохторун ситимнээбит уонна 18 мөл. киһини түмпүт VK порталлар – мультимедийнэй улахан инсталляциялар көһүннүлэр.

Экраннар дойду мөлүйүөнүнэн олохтоохторун, айар уонна успуорт кэлэктииптэрин, биллиилээх блогердары уонна артыыстары, кинилэр кэккэлэригэр Филипп Киркоров, Валя Карнавал, JONY уо.д.а. сулустары тардар миэстэнэн буоллулар.

Элбэх тэрилтэлэр, артыыстар уонна блогердар атын куораттар ааһан иһэр дьонун кытта бу тутан олорон алтыһалларыгар көҕүлээтэ.

VK порталлар нөҥүө оонньуулар, ким баҕарар кыттыан сөптөөх бииргэ дьарыктар ыытылыннылар, үҥкүүгэ маастар-кылаастар буоллулар.

Дербент куоракка Расул Гамзатов төрөөбүтэ 100 сылыгар хоһоонунан марафоннар уонна мультимедийнэй фонтан араас уоттаах муусукалаах шоута, Иркутскайга, Самараҕа, Дьокуускайга – олохтоох мусукааннар тэрээһиннэрэ. Санкт-Петербург, Челябинскай, Нижнэй Новгород, Самара уонна Хабаровскай диджейдэрэ атын куорат олохтоохторугар хит буолбут сөбүлүүр ырыаларын иһитиннэрдилэр.

Манна кыттыбыт куораттар олохтоохторугар биллэр-көстөр артыыстар уонна блогердар соһуччу бэлэхтэри оҥордулар. VK портал нөҥүө Петербурдааҕы экэнэмиичэскэй пуорумҥа Филипп Киркоров «Единственная моя» ырыаны толорбут Москватааҕы оҕолор хордарын, Валя Карнавал оскуоланы бүтэрээри сылдьар ыччаты эҕэрдэлээтилэр, оттон JONY бэйэтин сүгүрүйээччитигэр билиэттэри бэлэхтээтэ. MIA BOYKA уонна Ян Дилан интерактивтары ыыттылар, Карина Кросс Хабаровскай олохтоохторун кытта кэпсэттэ, Роман Гриценко эдэр футболистары мээчиктэтэн көрдө, оттон Арсений Попов Москватааҕы портал нөҥүө Саха сирин олохтоохторугар тута хоһуйууну тэрийдэ.

Быйыл видеонан сибээс Дербент, Иркутскай, Москва, Нижнэй Новгород, Санкт-Петербург, Самара, Ставрополь, Хабаровскай, Челябинскай уонна Дьокуускай куораттары ситимнээтэ. VK порталлары бэлиэ сирдэргэ туруорбуттара уонна суукканы эргиччи үлэлээбиттэрэ.