Арассыыйа олохтоохторун ыам ыйыгар уонна бэс ыйыгар уһун өрөбүллэр күүтэллэр

Олунньу 23 күнүнээҕи уонна кулун тутар 8 күнүнээҕи өрөбүл күннэр ыам ыйыгар уонна бэс ыйыгар көһөннөр, сынньалаҥ күннэрин уһатан биэриэхтэрэ. Бу туһунан ГосДуумаҕа Үлэ кэмитиэтин салайар  Ярослав Нилов РИА Новости саайтка иһитиннэрдэ.

Олунньу 23 күнүнээҕи өрөбүл ыам ыйын 8 күнүгэр көһөн, Арассыыйа олохтоохторо ыам ыйын 8-11 күннэригэр сынньаныахтара.

Кулун тутар 8 күнүнээҕи өрөбүл бэс ыйын 13 күнүгэр көһөн, өрөбүллэр бэс ыйын 13-15 күннэригэр буолуохтара диэн Ярослав Нилов эттэ. Маннык быһаарыныыны РФ бырабыыталыстыбата ылынар. Сыллааҕы өрөбүл күннэр оннунан хаалаллар, ол оннугар үлэҕэ уонна сынньалаҥҥа сөптөөх усулуобуйаны тэрийии оҥоһуллар.