Арассыыйа оскуолаларыгар быһыы-майгы иһин сыана туруорар буолуохтарын сөп

Арассыыйа оскуолаларыгар аны күһүн саҥа үөрэх дьылыттан боруобалаан көрүү быһыытынан быһыы-майгы (поведение) иһин сыана туруорар буолуохтарын сөп үһү. Бу туһунан дойду үөрэҕин миниистирэ Сергей Кравцов иһитиннэрбитин РИА Новости суруйар.

“Буолуон сөп. Бу, баҕар, боруобалаан көрүү быһыытынан буолуо”, – диэн кэлэр үөрэх дьылыгар быйыы-майгы иһин сыананы туруорууну киллэрии туһунан этэригэр кини бэлиэтээбит.

Тустаах боппуруос билиҥҥитэ министиэристибэҕэ үөрэтиллэ сылдьарын эппит.

“Быһаарыыны уһатыахпыт суоҕа. Туһалаах буоларын туһугар, бу улахан суолталаах, бары мэхэниисимин оҥорор ирдэнэр”, – диэн ыйбыт.