Хаартыска диэн СӨ Физическэй култуураҕа уонна маассабай успуорка салалтатыттан
Бэҕэһээ, Аҕам саастаахтар аан дойдутааҕы күннэригэр, Санкт-Петербурга Арассыыйа пенсионердарын VIII спартакиадата түмүктэннэ. Онно өрөспүүбүлүкэ сүүмэрдэммит хамаандата ситиһиилээхтик кытынна.
Санатар буоллахха, быйылгы спартакиадаҕа дойду 77 эрэгийиэниттэн 700-н тахса кыттааччы кэлбит. Ону таһынан Белоруссияттан, Казахстантан уонна Финляндияттан атлеттар кэлэн кытыннылар.
Күрэхтэһии түмүгүнэн Саха сирин хамаандата уопсай ааҕыыга 81 хамаандаттан 16 миэстэни ылла, онон сүүрбэ бастыҥ иһигэр киирдэ. Бэлиэтээн эттэххэ, биһиги сүүмэрдэммит хамаандабыт ааспыт сыллааҕы көрдөрүүтүн биир көрүҥҥэ кыайыытынан тупсарда диэн СӨ Физическэй култуураҕа уонна маассабай успуорка салалтата иһитиннэрэр.
Биһиги хамаандаларбыт булкаас эстафетаҕа – 5, ГТО нуорматын толорууга – 56, дартс оонньууга 49 миэстэлэри ылары ситистэ. Сүүрүүгэ 13 миэстэни ылан, бастыҥ көрдөрүүнү Афанасий Васильев, остуол тенниһигэр 22 уонна 25 миэстэлэри ылбыт Аркадий Иванов уонна Ольга Калачикова ситистилэр.
Ууга харбааһыҥҥа уонна саахымакка мөлтөхтүк кытыннылар, ол эрээри буулдьанан ытыыга спортсменнар бастыҥ көрдөрүүлэннилэр. Ол курдук, эр дьоҥҥо 8 миэстэни Михаил Васильев ылла, оттон дьахталларга бириистээх миэстэни Бүлүү улууһуттан сылдьар Мария Догоюсова ситиһэн иккис миэстэҕэ таҕыста.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…