Сэтинньи 1 күнүттэн “Көр, бу Арассыыйа!” Бүтүн Арассыыйатааҕы куонкурус кыттыылаахтарыгар дойду инники күөҥҥэ сылдьар эспиэрдэрэ видеоны устууга, сыана маастарыстыбатыгар, дьон иннигэр саҥарыыга маастар-кылаастары биэриэхтэрэ. Лектордар ортолоругар дойду, норуоттар икки ардыларынааҕы куонкурустар лауреаттара — Арассыыйа сериалларын артыыстара, режиссердара бааллар.
Бастакы маастар-кылааһы бэҕэһээ, сэтинньи 2 күнүгэр, актриса Анна Глаубэ уонна “Политех”, “Детективное агентство Мухича”, “Убить Босса” үлэлэринэн биллэр режиссер, сценарист, продюсер Алексей Зотов ыыттылар. Кинилэр “Профессия режиссер: с чего начать” тиэмэҕэ лиэксийэ бэлэмнээтилэр.
Ostankino.tv теле-оскуола салайааччыта Ольга Спиркина каадырга үлэлиир тэлэбиидэнньэ ыытааччыларын уонна суруналыыстарын кистэлэҥин арыйыаҕа.
Ону тэҥэ, маастар-кылааһы “Союзмультфильм” киинэ устуудьуйата бэлэмниир. “Союзмультфильм” шеф-эрэдээктэрэ, сценариһа Маша Черницынаттан кыттааччылар идиэйэни хайдах олоххо киллэрэр эбэтэр контент оҥорор туһунан билиэхтэрэ.
Сэтинньи иккис аҥаарыгар муусука килииптэрин уонна киинэ режиссера, New York Indie Shorts, Venezia Shorts Italy, Cannes Indie Shorts, Hollywood Short Fest кыттааччыта Александра Гавриленко дойду, аан дойду таһымыгар билиниллэр киинэни эдэр режиссер хайдах устуон сөбүн туһунан кэпсиэҕэ.
АГИКИ имиджевай уонна информационнай бэлиитикэҕэ киинин салайааччыта, преподаватель “медиаконтент” дьиссиппилиинэ преподавателэ Анастасия Алексеева уонна режиссер Петр Черкашин видеоны устууга тугу учуоттуур уонна хайдах бэлэмнэнэр туһунан бэйэлэрин билиилэрин үллэстиэхтэрэ. Ону тэҥэ, видеограф, “Первая академия медиа” институт, “Деловая журналистика” үрдүкү тиэхиньигэ Денис Колтаков итиэннэ Москватааҕы кинигэ дьиэтин бырайыагын салайааччыта, “Үөрэхтээһин” национальнай бырайыак иитинэн талааннаах ыччаты өйөөһүҥҥэ Бэрэсидьиэн бириэмийэтин икки төгүллээх лауреата, Г.В. Плеханов аатынан “Первая академия медиа” педагога Константин Дрегер лиэксийэ ааҕыахтара. Кинилэр оҕолорго букатын үбэ уонна профессиональнай тиэхиньикэтэ суох видеоны устууга 100 % түмүгү ситиһии туһунан кэпсиэхтэрэ.
Санатан эттэххэ, “Көр, бу Арассыыйа!” Бүтүн Арассыыйатааҕы куонкуруска кыттар туһугар, сэтинньи 25 күнүгэр диэри куонкурус саайтыгар бэлиэтэнэр уонна сэтинньи 30 күнүгэр диэри тус кэбиниэккэ “Моя Родина. Моя история” тиэмэҕэ видеонан аккырыыккалары угар ирдэнэр. Роликка атын эрэгийиэҥҥэ эҕэрдэ (эрэгийиэн туһунан иһитиннэрии саайтка тус кэбиниэккэ баар) тиэрдэр суолталаах. Кыайыылаахтарга сыаналаах бириистэри – смартфоннары, ону тэҥэ, куонкурус бииргэ үлэлэһээччилэриттэн 10 номинациянан бэлэхтэри тутуохтара.
Алтынньы 17 күнүттэн биир нэдиэлэ устата дойду 83 эрэгийиэниттэн 7 тыһ. тахса үөрэнээччи куонкуруска бэлиэтэниини ааста. Күн бүгүн номнуо 86 эрэгийиэнтэн кытталларын биллэрбиттэр. Ордук элбэх оҕо Саха сириттэн, Новгородскай уобаластан уонна дойду саҥа эрэгийиэннэриттэн – ДНӨ, ЛНӨ, Херсонскай уонна Запорожскай уобаластартан сайаапкаларын ыыппыттар.
Куонкурус саайтын сигэтэ: https://lookitsrussia.ru/
Куонкурус социальнай ситимнэрэ: https://vk.com/lookitsrussia уонна https://t.me/smotrirussia
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…