Арассыыйа сыыйа түөрт күннээх үлэ нэдиэлэтигэр көһүөн сөп диэн этэллэр

Арассыыйа сыыйа түөрт күннээх үлэ нэдиэлэтигэр көһүөн сөп. Ити туһунан санааны Судаарыстыбаннай Дуума үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин бэрэссэдээтэ Ярослав Нилов эппит.

“Кырдьык, сыыйа итиннэ көһүөхпүт дии саныыбын. Биллэн турар, бары салаа буолбатах, бары дуоһунаһы көһөрөр кыаллыбат” – диэн РИА Новостины кытта сэһэргэһиитин кэмигэр эппит.

Дьокутаат миэдиктэр дьиэтээҕи усулуобуаҕа эпэрээһийэлиир эбэтэр көрдөрүнэр дьон ахсаанын аҕыйатар кыахтара суоҕун холобурдаабыт.

Кини этэринэн, технология толуйар эбээһинэһи ылыныахтаах. Нилов оптимизация уонна роботизация көмөтүнэн оҥоһуу өй үлэ оҥорон таһаарыытын уонна дьон дохуотун үрдэтиэн, ону тэҥэ, үлэһит тус бэйэтинэн тиийэн толоруутун аччатыан сөп диэн бэлиэтиир.

Маныаха сокуону оҥорооччу тустаах хамсааһын “синергетическайдык уонна эволюционно” барыахтаах, ордук хос сүрүннээһин олус улахан уонна көннөрүллүбэт содуллаах буолуоҕар болҕомтону туһаайбыт. Бу туһунан РИА Новости суруйар.