Арассыыйа тимир суоллара плацкарка орон таҥаһын атыылаһар автоматическай бэлиэни суох оҥордо

Арассыыйа тимир суолларын саайтыгар эбэтэр мобильнай сыһыарыы нөҥүө “Федеральнай пассажирскай хампаанньа” (ФПХ) плацкартаах вагоннарыгар билиэт атыылаһар кэмҥэ орон таҥаһын атыылаһарга сөбүлэҥи көрдөрөр автоматическай бэлиэ суох оҥоһулунна.

Онон орон таҥаһа билиэт сыанатыгар киирбэтин быһыытынан, эбии өҥө курдук оҥоһуллар буолла. Урут бу бэлиэ үргүлдьү туруоруллара.

2025 сыл балаҕан ыйын 1 күнүттэн федеральнай сокуон быһыытынан бу өҥө пассажирдар туһааннаах бэлиэни бэйэлэрэ туруордахтарына эрэ үлэлиэҕэ.

Хампаанньа этэринэн, өскөтө пассажир бэлиэни туруорбатах уонна айаннаан иһэн орон таҥаһа наада буолбут буоллаҕына, эбии төлөөн проводниктан ылыан сөп. Бу туһунан ТАСС ФПХ-ҕа сигэнэн суруйар.