"Анадолу" сайтыттан
РФ бэрэсидьиэнин Владимир Путин дьаһалынан, Турция көрдөһүүтүнэн Мугла уонна Измир куораттарга ойуур баһаарын умуруорууга Арассыыйа Ыксаллаах быһыыга-майгыга министиэристибэтин Бе-200 амфибия-сөмөлүөттэрэ үлэлии сылдьаллар. Бу туһунан РФ ЫБММ телеграм-ханаалыгар иһитиннэрэр.
Турция «ТРТ» ханаала иһитиннэрбитинэн, быйыл от ыйыгар Турцияҕа уот куйаас туран, билигин хас да провинцияҕа улахан баһаардар бара тураллар. Ол иһигэр Хатай, Мерсин, Чанаккале, Мугла, Измир провинцияларыгар. Турцияҕа билигин сорох сирдэринэн кыраадыс 45-47-ҕэ тиийэр.
Арассыыйа икки сөмөлүөтэ Мугла уонна Измир куораттарга үлэлии сылдьаллар. Быыһааччылар ойуур баһаарын анал тепловизорынан көрөллөр. Санатан эттэххэ, Бе-200 сөмөлүөт уон икки туонна ууну баһан ылар кыахтаах. Бу сөмөлүөттэр Арассыыйа эрэгийиэннэрин таһынан тас дойдуларга Турцияҕа, Грецияҕа, Сербияҕа, Черногорияҕа, о.д.а. дойдуларга ойуур баһаарын умуруорууга сылдьыбыттара.
Быйыл Турцияҕа сир хамсааһыныгар Арассыыйа биир бастакынан көмөҕө кэлбитэ. Турция дьоно-сэргэтэ РФ Ыксаллаах быһыыга-майгыга министиэристибэтин быыһааччыларын киһини көрдүүр анал прибордартан саҕалаан түргэнник таҥыллар госпиталыгар тиийэ эрдэттэн бэлэмнээх кэлбиттэрин махтанан туран бэлиэтээбиттэрэ.
Нерюнгри куорат борокуратуурата түөрт киһи холуобунай дьыалатынан буруйдуур түмүгү бигэргэттэ. Кинилэр РФ холуобунай кодексатын 159 …
Ханнык баҕарар киһи бу орто дойдуга олоҕо араастык ааһар. Прасковья Осиповна эринээн Бүөтүрдүүн үс оҕону…
Киһи тыҥата 1 чааска ортотунан 5-17 лиитирэ углекислай гааһы, 50 грамм ууну таһаарар. Мүнүүтэҕэ ортотунан…
Сокуоннай сааһын ситэ илик оҕо уопсастыбаннай миэстэҕэ түүннэри сылдьара сэрэхтээх. Киниэхэ бэйэтигэр даҕаны, ону сэргэ…
Уулуссаҕа дьонтон төлөпүөнү, суумканы уоруу, былдьааһын биирдэ эмит тахсар. Биир оннук түбэлтэ Дьокуускайга таҕыста. Полиция…
Киһи сааһыран истэҕин ахсын иммунитет систиэмэтэ уларыйар. Маннык уларыйыыны иммуносенесценция дииллэр. Киһи дьаҥтан, ол-бу ыарыыттан…