Арассыыйа учуонайдара Саха сиригэр социальнай өҥөнү оҥоруу хаачыстыбатын үөрэттилэр

Арассыыйа учуонайдара Саха сирин кырдьаҕастарыттан уонна инбэлииттэриттэн социальнай өҥөнү оҥоруу хаачыстыбатын туһунан ыйытыы оҥордулар.

ЯСИА иһитиннэрбитинэн, атырдьах ыйын 28 күнүгэр Арассыыйатааҕы норуот хаһаайыстыбатын уонна судаарыстыбаннай салайыныы академиятын социологтара пилотнай бырайыак чэрчитинэн Саха сирин түөрт оройуонугар кырдьаҕастары уонна инбэлииттэри уһун болдьохтоох көрүү-истии систиэмэтин чинчийиини түмүктээтилэр. Учуонайдар 10 күн устата социальнай уонна медицинскэй өҥөлөрү оҥорууга бастыҥ үөрүйэхтэри үөрэппиттэрин туһунан Үлэ министиэристибэтин пресс-сулууспата иһитиннэрдэ.

Социальнай анаалыс уонна кэтээн көрүү институтун иһинээҕи научнай-чинчийэр лаборатория салайааччыта Дмитрий Рогозин уонна ыстаарсай научнай үлэһитэ Владимир Мисихин атырдьах ыйын 18 күнүттэн 28 күнүгэр диэри Горнай, Таатта, Чурапчы уонна Нам улуустарыгар  сырыылара Арассыыйаҕа уһун болдьохтоох көрүү-истии систиэмэтин салгыы сайыннарыыга, кырдьаҕастарга уонна инбэлииттэргэ өҥө хаачыстыбатын уонна тиийимтиэтин тупсарыыга туһаныллыаҕа. Чинчийии “Гражданнары социальнай өйөбүл” судаарыстыбаннай бырагыраама уонна “Дьиэ кэргэн” национальнай бырайыак “Аҕа көлүөнэ” федеральнай бырайыагын чэрчитинэн ыытылынна.

Сиһилии бу сигэнэн билсиҥ: https://ysia.ru/opros-o-kachestve-sotsialnyh-uslug-proveli-rossijskie-uchenye-sredi-pozhilyh-i-invalidov-v-yakutii/