ria.ru
Петербурдааҕы норуоттар икки ардыларынааҕы экэнэмиичэскэй пуорум Арассыыйа доҕордуу дойдуларын кытары бииргэ үлэлээһиҥҥэ сүҥкэн улахан былаһаакканан буолар. Ил Дархан Айсен Николаев сэрэдэҕэ ПМЭФ былаһааккатыгар «Индия Бизнес-Альянса» кэмиэрчэскэйэ суох партнерство бэрэсидьиэнин Манодж Котвани кытары көрүстэ.
Өрүттэр икки судаарыстыба урбаанньыттарын бииргэ үлэлээһиннэрин туһунан дьүүллэстилэр. Ленскэй кулууп өрөспүүбүлүкэ Индия партнердарын тугунан интэриэһиргэтиэн уонна кэскилин туһунан ПОРА эспиэртэр сэбиэттэрин сүрүннээччитин Александр Воротниковы кытары дьүүллэстилэр.
«Кэпсэтии ПМЭФ чэрчитинэн барбыт буолан, олус туһалаах буолла, – диэн этэр эспиэр. Бастатан туран, Айсен Николаев Арассыыйа Илиҥҥи дойдулар диэки тахсарыгар күүскэ үлэлэһэр эрэгийиэн биир биллэр-көстөр лиидэринэн буолар. Иккиһинэн, Арассыыйа тас бэлиитикэтин саҥа кэнсиэпсийэтинэн көрдөххө, маннык сибээстэһиилэр олус улахан суолталаахтар, онуоха Индия биһиги дойдубут биир сүрүн партнерунан биллэр.
Бастакы уочарат биһиги өрөспүүбүлүкэбит Индияҕа сыаналаах күндү таастары эргинэр: ПМЭФ былаһааккатыгар ювелирнай-кырыылыыр кластер бырайыактарыгар бииргэ үлэлээһини дьүүллэстилэр. Ону таһынан өрүттэр маһы таҥастааһын, үөрэхтээһин, доруобуйа харыстабылын уонна туризм хайысхатыгар бииргэ үлэлээһини сайыннарыыны бэлиэтээтилэр.
«Итини тэҥэ Саха сирэ Индияны туризмҥа үөрэтиинэн, ирбэт тоҥ эйгэтигэр наука өттүгэр бииргэ үлэлээһининэн интэриэһиргэтиэн сөп, – диэн Ленскэй кулууп эсперэ саныыр. – Өрөспүүбүлүкэ Арктика зонатыгар үлэни толору билэр биир саамай тутаах эрэгийиэнинэн буолар. Индия ити боппуруоһунан интэриэһиргиир, тоҕо диэтэххэ, кинилэргэ Гималайдарга эмиэ ирбэт тоҥноох сирдэрдээх. Кинилэр исписэлиистэрэ Саха сиригэр кэлэн үөрэниэхтэрин, оттон практикаларын өрөспүүбүлүкэ Арктика зонатыгар барыахтарын сөп».
«Айсен Сергеевич Арассыыйаҕа эрэ буолбакка, Азия дойдуларыгар эмиэ ытыктанар эрэгийиэн лиидэрэ. Мин саныырбынан, маннык киэҥ сиргэ биллэр-көстөр таһымнаах салайааччы суох. Билигин Арассыыйа тас бэлиитикэтэ уларыйда. Сүрүн суолта «Улахан Евразияны» кытары бииргэ үлэлииргэ уурулунна. Манна өрөспүүбүлүкэ оруолун хайдах даҕаны намтатыллыбат», – диэн түмүктээтэ эспиэр.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…