Арассыыйа Белоруссияны кытары гаас бырамыысыланнаһыгар, байыаннай дьыалаларга, арҕааҥҥы дойдулар киллэрбит араас хааччахтарын утары салгыы да бииргэ үлэлиэҕэ. Бу туһунан РФ бэрэсидьиэнэ Владимир Путин бэҕэһээ, ахсынньы 19 күнүгэр, Минскэйгэ Белоруссия бэрэсидьиэнин Александр Лукашенконы кытары кэпсэтиитигэр бэлиэтээн эттэ.
Икки дойду лиидэрдэрэ, бастатан туран, энергетика боппуруоһун кэпсэттилэр. Владимир Владимирович бэлиэтииринэн, Белоруссияҕа гаас уонна ньиэп ураты усулуобуйаҕа олоҕуран атыыланар.
— Арассыыйа Белоруссия экэниэмикэтигэр сүрүн инвестор быһыытынан сылдьар. Барыта түөрт миллиард дуолларга тэҥнэһэр инвестициялаахпыт. Белоруссияҕа икки аҥаар тыһыынчаттан тахса биһиги хампаанньаларбыт үлэлииллэр. Бырамыысыланнас өттүгэр эмиэ улахан бырайыактардаахпыт. Санатан эттэхпинэ, Арассыыйа Белоруссияҕа ньиэби уонна гааһы ураты усулуобуйаҕа олоҕуран атыылыыр. Бу биһиги дойдуларбыт доҕордуу сыһыаннарыгар улахан суолталаах. Манна даҕатан, бу бырайыактар барыта биһиги дойдуларбытыгар хардарыта көмөлөөхтөр диэн бэлиэтээн этиэм этэ, — диэн этэр кини.
Арассыыйа уонна Белоруссия байыаннай үөрэхтэри бииргэ сөҥнөһөн ыыталлар. Владимир Путин этэринэн, эрэгийиэннэр икки ардыларынааҕы байыаннай бөлөхтөр салгыы да биир бырайыакка үлэлэһиэхтэрэ.
— Арассыыйатааҕы уонна Белоруссиятааҕы байыаннай бөлөх былаан быһыытынан үлэтин салгыы ыытыаҕа. Билигин Белоруссияҕа анал байыаннай үөрэхтэр буола тураллар. Биһиги өттүбүтүттэн Белоруссия аармыйатыгар байыаннай сөмөлүөттэр экипажтарын бэлэмнээһиҥҥэ үлэ барыаҕа, — диэн бэлиэтиир Владимир Владимирович.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Надежда Егорова-Намылы "Киһи күн…
Уот Кыһыл Сылгы сыл кэлбитинэн тапталлаах Дьөһөгөйбүт оҕото атын кыыллартан туох уратылааҕын билэ-көрө түһүөҕүҥ. Былыргы…
Ааспыт сыл бүтүүтэ, ахсынньы 30 күнүгэр, Үөһээ Дьааҥы Баатаҕайыгар элбэх кыбартыыралаах дьиэ умайан, биир эр…
Бүгүн, тохсунньу 3 күнүгэр, өрөспүүбүлүкэ баһыйар үгүс өттүгэр хаардыаҕа. Арҕаа 9-14 м., соҕуруу 15-17 м.…
Саҥа дьыллааҕы түүн биэс уол уонна үс кыыс күн сирин көрдүлэр. Бу туһунан өрөспүүбүлүкэ Ил…
Тохсунньу 1 күнүгэр өрөспүүбүлүкэ саамай кырдьаҕас олохтооҕун Татьяна Сафонованы 105 сааһын туолбутунан эҕэрдэлээтилэр. Киниэхэ дойду…