Хаартыска: РФ бэрэсидьиэнин пресс-сулууспата
РФ бэрэсидьиэнэ Владимир Путин бэс ыйын 28 күнүгэр Башкирияҕа Арассыыйа уонна Белоруссия эрэгийиэннэр икки ардыларынааҕы форумнарыгар видео-сибээһинэн бэйэтин эҕэрдэтин ыытта.
— Билигин Арассыыйа үгүс эрэгийиэнэ Белоруссия уобаластарын кытары араас өрүттээх үлэни ыыта олороллор. Билигин өссө Уһук Илин, Сибиир эрэгийиэннэрэ, Крым Өрөспүүбүлүкэтэ, Севастополь куорат бу үлэҕэ көхтөөхтүк кыттан эрэллэр, — диэн иһитиннэрэр Владимир Путин бэйэтин этиитигэр.
Санатан эттэххэ, бу форум быйыл онус төгүлүн ыытыллар. Манна парламент дьокутааттара, министиэристибэлэр бэрэстэбиитэллэрэ, предпринимателлэр, о.д.а. барыта тыһыынчаттан тахса киһи кытынна. Форум чэрчитинэн тыа хаһаайыстыбатыгар, бырамыысыланнаска, экэниэмикэ боппуруостарыгар, туризмҥа, технологиялары сайыннарыыга кэпсэтиилэр буолан аастылар.
Владимир Путин иһитиннэрбитинэн, Тутулуга суох судаарыстыбалар түмсүүлэриттэн Белоруссия Арассыыйаны кытары табаары эргиниигэ инники күөҥҥэ иһэр.
— Белоруссияны кытары табаарынан эргиниибит былырыын 12 бырыһыанынан үрдээн, 3 трлн солкуобайы куоһарда. Быйыл муус устарга диэри өссө 11 бырыһыанынан эбилиннэ. Бу эрэгийиэннэр бэйэ-бэйэлэрин кытары үлэлэһиилэрэ күүһүрбүтүн кытары сибээстээх. Санатан эттэххэ, 2021 сылтан Сойуустаах судаарыстыбалар үрдүкү судаарыстыбаннай сэбиэттэринэн бигэргэтиллэн, 28 бырагыраама олохтоммута. Бу чэрчитинэн үп-харчы да, энергетика да, тырааныспар да эйгэлэригэр биир ситимнээх үлэ бара турар, — диэн бэлиэтиир кини.
Манна даҕатан эттэххэ, икки дойду лидердэрэ бу иннинэ арҕааҥҥы дойдулар киллэрбит хааччахтарыгар хоруйдаан, олохтоох оҥорон таһаарыыны сайыннарыыга, экэниэмикэ араас эйгэтигэр саҥа технологиялары киллэриигэ хаста да мунньахтаан тураллар. Билигин Белоруссияттан тырааныспар, араас бородуукта, химическэй, таҥас-сап бородууксуйата киириитэ 70 млрд солкуобай буолбут. Оттон Белоруссияҕа тастан киирии табаары солбуйууга Арассыыйа инвестордара кыттыылаах бырайыактар саҕаланнылар. Бу бырайыактар уопсай суумалара билигин 80 млрд солкуобайга тэҥнэспит.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…