Салгыы
Арассыыйа уонна Турция бэрэсидьиэннэрэ Сочига көрсүһүөхтэрэ

Арассыыйа уонна Турция бэрэсидьиэннэрэ Сочига көрсүһүөхтэрэ

04.09.2023, 09:00
РФ бэрэсидьиэнин пресс-сулууспата
Бөлөххө киир:

Бүгүн, балаҕан ыйын 4 күнүгэр, Сочига РФ бэрэсидьиэнэ Владимир Путин Турция Өрөспүүбүлүкэтин бэрэсидьиэнин Реджеп Тайип Эрдоганы кытары көрсүһүөҕэ. Бу туһунан Арассыыйа бэрэсидьиэнин пресс-сэкирэтээрэ Дмитрий Песков иһитиннэрдэ.

Санатан эттэххэ, икки дойду салайааччылара атах тэпсэн олорон кэпсэтиилэрин киин бэчээккэ суруйбуттара ыраатта. Бу иннинэ Турция бэрэсидьиэнэ Реджеп Тайип Эрдоган Владимир Путины Анкараҕа атырдьах ыйыгар ыҥыран турар. Атырдьах ыйын 31 күнүгэр Москваҕа Турция тас дойдулар дьыалаларыгар миниистирэ Хакан Фидан кэлэн, Арассыыйа миниистирин Сергей Лаврову кытары кэпсэтэн барбыта.

Икки дойду лидердэрин кэпсэтиитигэр, РФ бэрэсидьиэнин пресс-сулууспата иһитиннэрбитинэн, Арассыыйа уонна Турция бииргэ үлэлээһиннэрэ, аан дойдуга тирээн турар боппуруостар көрүллүөхтэрэ. Ол иһигэр Хара муоранан бурдук тиэйиитин дуогабара туруоҕа. Санатан эттэххэ, Арассыыйа от ыйын 17 күнүгэр бу дуогабары тохтоппута. Билигин Холбоһуктаах Нациялар Түмсүүлэрин таһымыгар кэпсэтии бара турар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
25 мая
  • 8°C
  • Ощущается: 6°Влажность: 61% Скорость ветра: 3 м/с

Сообщить об опечатке

Текст, который будет отправлен нашим редакторам: