Хаартыска: «Арассыыйа» национальнай киин пресс-сулууспата.
«Арассыыйа» национальнай кииҥҥэ «Арассыыйа устун айан» диэн саҥа интерактивнай быыстапка экспонаттарын таҥыы буола турар.
Манна биир чаастаах экскурсия кэмигэр ыалдьыттар дойду бары федеральнай уокуруктарын кэрэ-бэлиэ миэстэлэрин, ситиһиилэрин көрүөхтэрэ. Саҥардыллыбыт былаһаакка бастакы ыалдьыттарын кулун тутарга көрсүөҕэ.
“Бу биһиги ураты дойдубут туһунан быыстапка, кини дьонун-сэргэтин, киэн туттуутун уонна, биллэн турар, кэлэр кэмин көрдөрөр. Барыларын Арассыыйаны көрөргө эрэ буолбакка, истэргэ, билэргэ, саҥалыы арыйарга ыҥырабыт. Уонна улахан гастрономическай бырайыакпыт чэрчитинэн, дойду араас муннуктарыттан төрүт аһылыктарын, араас эрэгийиэннэр бастыҥ асчыттарын ырысыаптарын билиэххит”, — диэн “Арассыыйа” национальнай киин генеральнай дириэктэрэ Наталья Виртуозова кэпсээтэ.
“Бу сир аҕыс тематическай зонаҕа арахсыаҕа. Биһиги, биллэн турар, күн тахсар сириттэн – Уһук Илинтэн саҕалыахпыт. Арктиканан уонна Хотугулуу-Арҕаа Арассыыйанан бүтэриэхпит. Оттон түмүктүүр зонаны «Сүрэх зоната» диэн ааттаатыбыт. Манна, цифровой аккырыыкка көмөтүнэн хас биирдии киһи тугу көрбүтүн, билбитин хаалларар, ол кэннэ кэлим цифровой эйгэҕэ ыытан кэбиспитэ устуоруйаҕа үйэлэргэ хаалар, Национальнай кииҥҥэ хараллар”, — диэн “Арассыыйа устун айан” бырайыак продюсера Андрей Куделин эттэ.
«Арассыыйа устун айан» быыстапка хайа баҕарар саастаах дьоҥҥо аналлаах, босхо экскурсиялар russia.ru. саайтка бааллар. Бырайыак быыстапкалыыр миэстэни, гастрономическай зонаны, универмагы, култуурунай тэрээһиннэри, үөрэх тэрээһиннэрин уонна анал бырагыраамалары холбуур.
«Арассыыйа» национальнай киин маннык аадырыска баар: Москва, Краснопресненскай набережнай, 14 корпуһа. Киин бэнидиэнньиктэн ураты күн аайы 10:00 чаастан 20:00 чааска диэри үлэлиир.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…