Хаартыска Кремлин.ру
Ахсынньы 17 күнүгэр РФ Судаарыстыбаннай Дууматын дьокутаата Галина Данчикова “Биир ньыгыл Арассыыйа” баартыйа XXI сийиэһигэр кытынна.
“Арассыыйа” аан дойдутааҕы быыстапка-пуорум былаһааккатыгар буолбут сийиэс баартыйа чилиэннэрин уонна өйөөччүлэрин эрэ буолбакка, дойду, норуот уонна инники ыччат дьылҕаларыгар ыалдьар Арассыыйа олохтоохторун түмэр киининэн буолла.
Сийиэс сүрүн быһаарыыта – 2024 сылга Арассыыйа бэрэсидьиэнин быыбарыгар Владимир Путин кандидатуратын биир санаанан өйөөһүн.
«Владимир Путин көҕүлээбит национальнай бырайыактарын олоххо киллэрэр биһиги Сахабыт сиригэр 2000 сылтан өрөспүүбүлүкэ соҕуруу, арҕаа, киин уонна Арктика оройуоннарыгар тахсар уларыйыылары көрөбүт. Бэрэсидьиэн эппиэтинэстээх үлэтин түмүктэрин өрөспүүбүлүкэ олохтоохторо Ленскэй куораты халаан кэнниттэн чөлүгэр түһэрии үлэтигэр, бүддьүөтү оҥорор “АЛРОСА” хампаанньаны ыарахан кэмигэр өйөөһүҥҥэ, 2014 сыл балаҕан ыйыгар Дьокуускайга Уһук Илин сайдыытын кыһалҕаларын дьүүллэһиигэ уо.д.а. көрөбүт. Манна кини “Сибиир күүһэ” гаас ситимин тутууну саҕалыырга эппитэ. Бу бырайыак көмөтүнэн өрөспүүбүлүкэҕэ бөдөҥ инвестициялар тардыллыбыттара. Судаарыстыба салайааччыларыттан Владимир Путин курдук ким даҕаны биһиги эрэгийиэммитигэр итиччэ улахан болҕомтону уурбатаҕа. Владимир Путины эрэ кытары Арассыыйа иннин диэки барар уонна күүһүрэр кыахтаах!”, — диэтэ РФ Судаарыстыбаннай Дууматын дьокутаата Галина Данчикова.
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…
СӨ Бырабыыталыстыбатын Бэрэссэдээтэлин бастакы солбуйааччы Дьулустан Борисов эрэгийиэннээҕи инвестиционнай килиимэт бырайыагын ырытар мунньаҕы салайан ыытта.…
В.К. Арсеньев аатынан «Уһук Илин» Бүтүн Арассыыйатааҕы литературнай бириэмийэ кыайыылаахтарын биллэрэр уонна наҕараадалыыр үөрүүлээх сиэр-туом…
Быйыл тохсунньу ыйтан ахсынньы 2 күнүгэр диэри Россельхознадзор Амур уобалаһыгар уонна Саха Өрөспүүбүлүкэтигэр управлениетын иниспиэктэрдэрэ…
Бу күннэргэ Волонтер күнүн бэлиэтээн аастыбыт. Онно элбэх волонтерскай хамсааһын үтүө санаалаах, амарах дууһалаах волонтердара…
Арассыыйа Дьоруойа Геннадий Трошев аатынан кадетскай интэринээт-оскуола иитиллээччилэрэ Кириэмил Баалыгар кыттыыны ылыахтара, диэн Мииринэй улууһун…