Арассыыйа ЫБММ: Саха сиригэр федеральнай суолталаах ыксаллаах быһыы-майгы эрэсиимэ олохтонно

Арассыыйа ыксалаах быһыыга-майгыга министиэристибэтигэр селекторнай мунньах уонна ыксаллаах быһыыны-майгыны сэрэтэр уонна туоратар итиэннэ баһаартан куттал суох буолуутун хааччыйар бырабыыталыстыба хамыыһыйатын мунньаҕын ыытта.

Саха сиригэр «Авиалесоохрана» тэрилтэ чахчыларынан, 331 тыһыынча гектартан тахса иэннээх сиргэ 107 айылҕа баһаара баар. Баһаарга 1,5 тыһыынчаттан тахса киһи уонна 100 тиэхиньикэ үлэлиир. Балаһыанньаны уонна баһаары умуруорууну Арассыыйа ыксаллаах быһыыга-майгыга министиэристибэтин дроннарынан кэтээн көрөллөр.

Баһаардар тустарынан:

37 субъекка 541 айылҕа баһаара баара бэлиэтэнэр;

Нэдиэлэ устата баһаардар турбут сирдэрин иэнэ 44 тыһыынча гектарынан кыччаабыт;

Саамай уустук балаһыанньа Уһук Илиҥҥи федеральнай уокурукка, 18 субъекка 607 тыһыынчаттан тахса гектар иэннээх сиргэ 353 баһаар баар;
6,2 тыһыынчаттан тахса баһаар умуруорулунна;

384 киһи быыһанна;

2,2 тыһыынчаттан тахса киһи эвакуацияланна;

75 киһи, хомойуох иһин, өллө;

баһаар ахсаана 10% аҕыйаабыт, онтон өлүү ахсаана 20% кыччаабыт.

Халаан уутун туһунан:

Алтайскай кыраай уонна Кургаан уобалаһа ууттан босхолоннулар. Приморскай, Хабаровскай кыраайдарга уонна Ханты-Мансийскай автономнай уокурукка сорох сирдэр ууга тураллар;

нэдиэлэ иһигэр 560-тан тахса дьиэ, 1,8 тыһыынча ыал учаастага уонна суол 26 учаастага ууга барда;

Билигин 7 субъекка 495 олорор дьиэлэр уонна 650-тан тахса сайын олорор дьиэ, 3,5 тыһыынчаттан тахса ыал учаастага уонна 51 тырааныспар инфраструктуратын эбийиэгэ ууга баран тураллар.

Нэдиэлэ иһигэр ууга:

Арассыыйа ыксаллаах быһыыга-майгыга министиэристибэтин үлэһиттэрэ 176 түбэлтэҕэ сырыттылар;

158 киһи, хомойуох иһин, өллө;

19 киһи быыһанна.

Арассыыйа ыксаллаах быһыыга-майгыга министиэристибэтин исписэлиистэрэ 1,9 тыһыынчаттан тахса суол быһылааныттан 319 киһини быыһаатылар.

Арассыыйа ыксаллаах быһыыга-майгыга министиэристибэтэ 11,5 тыһыынчаттан тахса турист куттала суох буолуутун хааччыйда.