Арассыыйа үрдүнэн алтынньы ыйтан массыына сыаната үрдүүрүн сэрэттилэр

Арассыыйаҕа утильсбор индексациялааһына ыытылларынан, тимир көлө сыаната уопсайа 10% үрдүүрэ күүтүллэр диэн эспиэрдэр сэрэттилэр.

Бу туһунан Frank Auto хампаанньа дириэктэрин солбуйааччы Ирина Франк иһитиннэрдэ. Эспиэрдэр этэллэринэн, тырааныспар сыаната аҕыйах ый устата 10%-нан үрдүөҕэ. Онуоха сыана үрдээһинэ бары тиэхиньикэни таарыйыаҕа. Манна саҥа уонна туттуллубут тырааныспарга арааран үллэриэхтэрэ суоҕа. Сыана үрдэһинэ бары массыына мааркатын таарыйыаҕа.

Сыананы алтынньы ый саҥатыттан үрдэтиэхтэрэ. Уларыйыы киирбитэ номнуо бэлиэтэнэр диэн «За рулем» сурунаал кылаабынай эрэдээктэрэ Максим Кадаков эттэ. Кини кэпсииринэн, массыына эргинээччилэр сыананы хаттаан көрөн уларытарга биллэриини туппуттара ырааппыт. Сыана бастаан сыыйа 5-8% үрдүөҕэ.

Холобур, 2,5 мөл. солк. сыаналаах массыына сыаната 150 тыһ. солк. эбиллиэҕэ, оттон 5 мөл. солк. сыаналаах тырааныспар 250 тыһ. солк. үрдүк буолуоҕа.

Онуоха тырааныспар сыаната утильсбор сыанатыттан эмиэ тутулуктаныа. Иһитиннэриигэ быһаарылларынан, саҥа сыана бу сыл алтынньы 1 күнүттэн кыраныысса таһыттан киллэриллэр тырааныспарга туһаныллыаҕа.